ಇಚ್ಛಾಶಕ್ತಿ ತನ್ನ ಗರ್ಭದಲ್ಲಿ ಈರೇಳುಲೋಕವ ಹೆತ್ತಳು ನೋಡಾ.
ಆ ಲೋಕಾಧಿ ಲೋಕಂಗಳೊಳಗೆ ತಾನೇಕಾಕಿಯಾಗಿ
ಆ ಲೋಕದ ಉತ್ಪತ್ತಿ ಸ್ಥಿತಿ ಪ್ರಳಯಕ್ಕೊಳಗಾಗದೆ
ನಿತ್ಯಳಾಗಿಪ್ಪಳು ನೋಡಾ.
ಆ ಇಚ್ಛಾಶಕ್ತಿ ನಿಶ್ಚಿಂತನ ನೆರೆದು
ನಿರಾಳವಾದುದು ತಾನೆಂದು ಕಂಡಾತನ[ನು]
ಸರ್ವಜ್ಞ ಶರಣೆನೆಂಬೆನು.
ಆತನ ಅಲ್ಲಮಪ್ರಭುವೆಂಬೆನು.
ಆ ಪರಮ ನಿರಂಜನ ಪ್ರಭುವಿಗೆ
ನಮೋ ನಮೋಯೆಂದು ಬದುಕಿದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Icchāśakti tanna garbhadalli īrēḷulōkava hettaḷu nōḍā.
Ā lōkādhi lōkaṅgaḷoḷage tānēkākiyāgi
ā lōkada utpatti sthiti praḷayakkoḷagāgade
nityaḷāgippaḷu nōḍā.
Ā icchāśakti niścintana neredu
nirāḷavādudu tānendu kaṇḍātana[nu]
sarvajña śaraṇenembenu.
Ātana allamaprabhuvembenu.
Ā parama niran̄jana prabhuvige
namō namōyendu badukidenu kāṇā,
mahāliṅgaguru śivasid'dhēśvara prabhuvē.
