ನಾನು ನೀನೆಂಬ ಉಭಯ ತನುಗುಣ ನಾಸ್ತಿಯಾಗಿ
ಅರುಹು ಮರಹೆಂಬುಭಯದ ಮರೆಹು ಅಳಿಯಿತ್ತಯ್ಯ.
ಮರೆಹು ಅಳಿಯಿತ್ತಾಗಿ,
ಮಹದರುಹಿನ ಆಚರಣೆ ಕರಿಗೊಂಡಿತ್ತಯ್ಯ.
ಮಹದರುಹಿನ ಆಚರಣೆ ಕರಿಗೊಂಡಿತ್ತಾಗಿ,
ಮಹಾಲಿಂಗದ ಬೆಳಗು ಒಳಕೊಂಡಿತ್ತಯ್ಯ.
ಮಹಾಲಿಂಗದ ಬೆಳಗು ಒಳಕೊಂಡಿತ್ತಾಗಿ,
ಮಂಗಳಮಯ ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವಿನಲ್ಲಿ,
ಪರಮ ಪರಿಣಾಮ ನೆಲೆಗೊಂಡಿತ್ತಯ್ಯಾ.
Transliteration Nānu nīnemba ubhaya tanuguṇa nāstiyāgi
aruhu marahembubhayada marehu aḷiyittayya.
Marehu aḷiyittāgi,
mahadaruhina ācaraṇe karigoṇḍittayya.
Mahadaruhina ācaraṇe karigoṇḍittāgi,
mahāliṅgada beḷagu oḷakoṇḍittayya.
Mahāliṅgada beḷagu oḷakoṇḍittāgi,
maṅgaḷamaya mahāliṅgaguru śivasid'dhēśvara prabhuvinalli,
parama pariṇāma nelegoṇḍittayyā.
