ಭೂತಗ್ರಾಮದಲ್ಲಿ ಪಾತಕದ ಕಿಚ್ಚು ಹುಟ್ಟಿ
ಪಂಚಾಗ್ನಿಯಾಗಿ ಸರ್ವರ ಘಾತಿಸುತ್ತ ಘರ್ಜಿಸುತ್ತಿದ್ದಿತ್ತು ನೋಡಾ.
ಪಂಚಬ್ರಹ್ಮದ ಮುಖದಲ್ಲಿ ಪರಮಶಿಖಿ ಉದಯಿಸಲು
ಭೂತಗ್ರಾಮ ಬೆಂದು, ಪಾತಕದ ಪಂಚಾಗ್ನಿ ಕೆಟ್ಟು,
ಪಂಚಬ್ರಹ್ಮದ ಕಿಚ್ಚು ಪರಬ್ರಹ್ಮವನಪ್ಪಲು
ಪರಮ ಶಿವೈಕ್ಯವಾಯಿತ್ತು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Bhūtagrāmadalli pātakada kiccu huṭṭi
pan̄cāgniyāgi sarvara ghātisutta gharjisuttiddittu nōḍā.
Pan̄cabrahmada mukhadalli paramaśikhi udayisalu
bhūtagrāma bendu, pātakada pan̄cāgni keṭṭu,
pan̄cabrahmada kiccu parabrahmavanappalu
parama śivaikyavāyittu kāṇā,
mahāliṅgaguru śivasid'dhēśvara prabhuvē.
