ಸದ್ಯೋಜಾತನ ಮುಟ್ಟಿ, ಪೃಥ್ವಿ ಬಯಲಾಗಿ
ಚಿತ್ತ ಪಂಚಕವು ಕೆಟ್ಟವು ನೋಡಾ.
ವಾಮದೇವನಿಗೊಲಿದು, ಅಪ್ಪು ಬಯಲಾಗಿ
ಬುದ್ಧಿ ಪಂಚಕವು ಕೆಟ್ಟವು ನೋಡಾ.
ಅಘೋರನ ನೆರೆದು, ಅಗ್ನಿ ಬಯಲಾಗಿ
ಅಹಂಕಾರ ಪಂಚಕವಳಿದು ನಿರಹಂಕಾರಿಯಾದೆನಯ್ಯ.
ತತ್ಪುರುಷನನಪ್ಪಿ, ವಾಯು ಬಯಲಾಗಿ
ಮನಪಂಚಕವಳಿದವು ನೋಡಾ.
ಈಶಾನ್ಯನೊಡಗೂಡಿ, ಆಕಾಶಬಯಲಾಗಿ
ಅರುಹು ಪಂಚಕವು ನಿರ್ಮೂಲವಾದವು ನೋಡಾ.
ಮಹಾದೇವನ ನೆರೆದು, ಆತ್ಮ ಬಯಲಾಗಿ
ಭಾವ ಪಂಚಕವಳಿದು ನಿರ್ಭಾವಿಯಾಗಿ ನಿಜಲಿಂಗೈಕ್ಯನಾದೆನಯ್ಯ.
ಎಲ್ಲಾ ಪದಂಗಳ ಮೀರಿ
ಮಹಾಲಿಂಗ ಪದದೊಳಗೆ ಸಂಯೋಗವಾಗಿರ್ದೆನು ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Sadyōjātana muṭṭi, pr̥thvi bayalāgi
citta pan̄cakavu keṭṭavu nōḍā.
Vāmadēvanigolidu, appu bayalāgi
bud'dhi pan̄cakavu keṭṭavu nōḍā.
Aghōrana neredu, agni bayalāgi
ahaṅkāra pan̄cakavaḷidu nirahaṅkāriyādenayya.
Tatpuruṣananappi, vāyu bayalāgi
manapan̄cakavaḷidavu nōḍā.
Īśān'yanoḍagūḍi, ākāśabayalāgi
aruhu pan̄cakavu nirmūlavādavu nōḍā.
Mahādēvana neredu, ātma bayalāgi
bhāva pan̄cakavaḷidu nirbhāviyāgi nijaliṅgaikyanādenayya.
Ellā padaṅgaḷa mīri
mahāliṅga padadoḷage sanyōgavāgirdenu kāṇā,
mahāliṅgaguru śivasid'dhēśvara prabhuvē.
