ನರರಂತೆ ನಡೆವುತ್ತಿಪ್ಪರಯ್ಯ, ನರರಂತೆ ನುಡಿವುತ್ತಿಪ್ಪಿರಿ ಅಯ್ಯ.
ನರರಂತೆ ಉಣ್ಣುತ್ತಿಪ್ಪಿರಯ್ಯ, ನರರಂತೆ ಉಡುತಿಪ್ಪಿರಿ ಅಯ್ಯ.
ನೋಡಿದರೆ ಅವರವರಂತಿಪ್ಪಿರಿ, ವಿವರಿಸಿದರೆ
ನೀವು ನಿಮ್ಮಂತೆ ಇಪ್ಪಿರಿ ಅಯ್ಯ.
ಹತ್ತರೊಳಗೆ ಹನ್ನೊಂದಾಗಿಪ್ಪಿರಿ ಅಯ್ಯ.
ಕುರುಹಿನ ನಾಮವಿಡಿದು ಕರೆದರೆ `ಓ' ಎಂದೆಂಬಿರಿ.
ನಾಮವಿಲ್ಲದ ಸೀಮೆಯಿಲ್ಲದ ನಿಸ್ಸೀಮ ಲಿಂಗೈಕ್ಯನಯ್ಯಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Nararante naḍevuttipparayya, nararante nuḍivuttippiri ayya.
Nararante uṇṇuttippirayya, nararante uḍutippiri ayya.
Nōḍidare avaravarantippiri, vivarisidare
nīvu nim'mante ippiri ayya.
Hattaroḷage hannondāgippiri ayya.
Kuruhina nāmaviḍidu karedare `ō' endembiri.
Nāmavillada sīmeyillada nis'sīma liṅgaikyanayyā,
mahāliṅgaguru śivasid'dhēśvara prabhuvē.
