ಬಿಂದುಶೂನ್ಯವಾದ ಲಿಂಗವೇ ಅಂಗವಾಗಿ,
ಕಾಯಶೂನ್ಯನಯ್ಯ ಭಕ್ತನು.
ನಾದಶೂನ್ಯವಾದ ಜಂಗಮವೆ ಪ್ರಾಣವಾಗಿ,
ಪ್ರಾಣಶೂನ್ಯನಯ್ಯ ಅನಾದಿಭಕ್ತನು.
ತನ್ನಂಗಸ್ವರೂಪವಪ್ಪ ಲಿಂಗಕ್ಕೆ
ತನ್ನ ಪ್ರಾಣಸ್ವರೂಪವಪ್ಪ ಪರಮ ಚೈತನ್ಯಜಂಗಮದ
ಪ್ರಸನ್ನ ಪ್ರಸಾದವೇ ಆ ಲಿಂಗಕ್ಕೆ ಪ್ರಾಣಕಳೆ ನೋಡಾ.
ಆ ಲಿಂಗದ ಪ್ರಾಣಕಳೆಯ
ಆ ಜಂಗಮಕ್ಕೆ ಪದಾರ್ಥವ ಮಾಡಿ ಸಮರ್ಪಿಸಿ,
ಆ ಘನ ಚೈತನ್ಯವೆಂಬ ಪರಮ ಜಂಗಮಲಿಂಗದ
ಪರಿಣಾಮ ಪ್ರಸಾದಿಯಯ್ಯ ಭಕ್ತನು.
ಲಿಂಗ ಜಂಗಮ ಪ್ರಸಾದ ಭಕ್ತ ಇಂತೀ ಚತುರ್ವಿಧವು
ಒಂದಾಗಿ ನಿಂದ ನಿಲವು ನೀನೆ ಕಾಣಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Binduśūn'yavāda liṅgavē aṅgavāgi,
kāyaśūn'yanayya bhaktanu.
Nādaśūn'yavāda jaṅgamave prāṇavāgi,
prāṇaśūn'yanayya anādibhaktanu.
Tannaṅgasvarūpavappa liṅgakke
tanna prāṇasvarūpavappa parama caitan'yajaṅgamada
prasanna prasādavē ā liṅgakke prāṇakaḷe nōḍā.
Ā liṅgada prāṇakaḷeya
ā jaṅgamakke padārthava māḍi samarpisi,
ā ghana caitan'yavemba parama jaṅgamaliṅgada
pariṇāma prasādiyayya bhaktanu.
Liṅga jaṅgama prasāda bhakta intī caturvidhavu
ondāgi ninda nilavu nīne kāṇā,
mahāliṅgaguru śivasid'dhēśvara prabhuvē.
