ಹೀಂಗೆಂದರಿಯದೆ
ತಾ ನಡೆದೆನೆಂದು, ತಾ ನುಡಿದೆನೆಂದು,
ತಾ ವಾಸಿಸಿದೆನೆಂದು, ತಾ ರುಚಿಸಿದೆನೆಂದು,
ತಾ ಸೋಂಕಿದೆನೆಂದು, ತಾ ಕೇಳಿದೆನೆಂದು, ತಾನೆ ನೆನೆದೆನೆಂದು,
ತಾನೆಂಬುದನೆ ಮುಂದುಮಾಡಿಕೊಂಡು,
ಲಿಂಗವೆಂಬುದನೆ ಹಿಂದುಮಾಡಿಕೊಂಡು,
ಭೋಗಿಸುವ ಭೋಗವೆಲ್ಲವು, ಅಂಗಭೋಗ ಕಾಣಿರೋ.
ಅಂಗದಿಚ್ಛೆಗೆ ಉಂಡು ಲಿಂಗಕ್ಕೆಂಬ
ಆಧಮಜೀವಿಗಳೇನೆಂಬೆನಯ್ಯಾ?,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Hīṅgendariyade
tā naḍedenendu, tā nuḍidenendu,
tā vāsisidenendu, tā rucisidenendu,
tā sōṅkidenendu, tā kēḷidenendu, tāne nenedenendu,
tānembudane mundumāḍikoṇḍu,
liṅgavembudane hindumāḍikoṇḍu,
bhōgisuva bhōgavellavu, aṅgabhōga kāṇirō.
Aṅgadicchege uṇḍu liṅgakkemba
ādhamajīvigaḷēnembenayyā?,
Mahāliṅgaguru śivasid'dhēśvara prabhuvē.
