ಲಿಂಗದೇಹಿ ಶಿವಾತ್ಮಕನು
ಲಿಂಗದಾಚಾರದಲ್ಲಿಯೇ ನಡೆವನಯ್ಯ.ಲೋಕವರ್ತಕನಲ್ಲ.
ಲೋಕಚಾತುರಿಕೆ, ಲೋಕವ್ಯವಹರಣೆಯನನುಕರಿಸಿ ನಡೆವವನಲ್ಲ.
ಶಿವಜ್ಞಾನ ಶಿವಕ್ರಿಯಾಪ್ರಕಾಶವ ಸಂಬಂಧಿಸಿಕೊಂಡು
ಸರ್ವಾಂಗವೂ ಲಿಂಗರೂಪಾಗಿ ಸಮರ್ಪಿಸಿಕೊಂಡು
ಲಿಂಗದೊಡನೆ ಭುಂಜಿಸುತ್ತಿಪ್ಪನಯ್ಯ.
ಶಿವಸ್ಮರಣೆಯಿಂದ ಸ್ವೀಕರಿಸುತ್ತಿಪ್ಪುದೇ
ಸಹಭೋಜನವೆನಿಸಿಕೊಂಡಿತ್ತಯ್ಯಾ,
ಮಹಾಲಿಂಗಗುರು ಶಿವಸಿದ್ಧೇಶ್ವರ ಪ್ರಭುವೇ.
Transliteration Liṅgadēhi śivātmakanu
liṅgadācāradalliyē naḍevanayya.Lōkavartakanalla.
Lōkacāturike, lōkavyavaharaṇeyananukarisi naḍevavanalla.
Śivajñāna śivakriyāprakāśava sambandhisikoṇḍu
sarvāṅgavū liṅgarūpāgi samarpisikoṇḍu
liṅgadoḍane bhun̄jisuttippanayya.
Śivasmaraṇeyinda svīkarisuttippudē
sahabhōjanavenisikoṇḍittayyā,
mahāliṅgaguru śivasid'dhēśvara prabhuvē.
