ಅಯ್ಯಾ ಏನೂ ಏನೂ ಇಲ್ಲದಂದು,
ಆದಿಕುಳದುತ್ಪತ್ಯವಾಗದಂದು,
ಚಂದ್ರಧರ ವೃಷಭವಾಹನರಿಲ್ಲದಂದು,
ಕಾಲಸಂಹರ ತ್ರಿಪುರಸಂಹರರಿಲ್ಲದಂದು,
ಕಾಮನ ಭಸ್ಮವ ಪೂಸದಂದು
ದೇವಿಯರಿಬ್ಬರಿಲ್ಲದಂದು,
ಹರಿಯ ಹತ್ತವತಾರದಲ್ಲಿ ತಾರದಂದು,
ಬ್ರಹ್ಮನ ಶಿರವ ಹರಿಯದಂದು,
ಇವಾವ ಲೀಲೆಯದೋರದಂದು,
ನಿಮಗನಂತ ನಾಮಂಗಳಿಲ್ಲದಂದು,
ಅಂದು ನಿಮ್ಮ ಹೆಸರೇನು?
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ?
Transliteration Ayyā ēnū ēnū illadandu,
ādikuḷadutpatyavāgadandu,
candradhara vr̥ṣabhavāhanarilladandu,
kālasanhara tripurasanhararilladandu,
kāmana bhasmava pūsadandu
dēviyaribbarilladandu,
hariya hattavatāradalli tāradandu,
brahmana śirava hariyadandu,
ivāva līleyadōradandu,
nimagananta nāmaṅgaḷilladandu,
andu nim'ma hesarēnu?
Nijaguru svatantrasid'dhaliṅgēśvara?
