ಎಲೆ ಅಯ್ಯಾ, ನೀವು ನಿರಾಕಾರವಾಗಿರ್ದಿರಾಗಿ,
ಆ ನಿರಾಕಾರವೆ ಪಂಚಮದಲ್ಲಿ ನಿಂದಡೆ ನಾದ ತೋರಿತ್ತು.
ಆ ನಾದದಲ್ಲಿ ಬಿಂದು ತೋರಿತ್ತು.
ಆ ನಾದ ಬಿಂದುಗಳನೊಡೆದು ಮೂಡಿ,
ನಿರುಪಾಧಿಕ ಜ್ಯೋತಿಯಂತೆ ಸಕಲ ನಿಃಕಲ ರೂಪಾದಿರಯ್ಯ.
ರವಿಕೋಟಿ ತೇಜ ಪರಿಪೂರ್ಣ ಮೂಲಚೈತನ್ಯ ರೂಪು
ನೀವು ಕಂಡಯ್ಯ.
ಭೇದಿಸಬಾರದಭೇದ್ಯ ಸಾಧಿಸಬಾರದಸಾಧ್ಯ ನೀವು ಕಂಡಯ್ಯ.
ನಿಮ್ಮ ಸಹಜದ ನಿಲವನಾರು ಬಲ್ಲರು?
ನಿಮ್ಮಿಂದ ನೀವೇ ರೂಪಾದಿರಯ್ಯ.
ನಿಮ್ಮ ಪರಿಣಾಮಪದದಲ್ಲೊಂದನಂತಕಾಲವಿರ್ದಿರಯ್ಯ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration Ele ayyā, nīvu nirākāravāgirdirāgi,
ā nirākārave pan̄camadalli nindaḍe nāda tōrittu.
Ā nādadalli bindu tōrittu.
Ā nāda bindugaḷanoḍedu mūḍi,
nirupādhika jyōtiyante sakala niḥkala rūpādirayya.
Ravikōṭi tēja paripūrṇa mūlacaitan'ya rūpu
nīvu kaṇḍayya.
Bhēdisabāradabhēdya sādhisabāradasādhya nīvu kaṇḍayya.
Nim'ma sahajada nilavanāru ballaru?
Nim'minda nīvē rūpādirayya.
Nim'ma pariṇāmapadadallondanantakālavirdirayya,
nijaguru svatantrasid'dhaliṅgēśvara.
