ತೋರಿಯಡಗುವ ಮೇಘಾಡಂಬರದಂತೆ,
ತನುವಿನ ತೋರಿಕೆ.
ಹೀಗೆಂದರಿದು ನಿತ್ಯತ್ವವ ಪಡೆದಹಂಗೆ,
ಮತ್ತೇಕೆ ಈ ದೇಹವ ಮಮಕರಿಸುವೆ?
ಆವಾಗ ಬಿಟ್ಟು ಹೋಹುದೆಂದರಿಯಬಾರದು.
ದೇವ ದಾನವ ಮಾನವರೊಳಗಾದವರೆಲ್ಲ ಅಳಿದು,
ಹೋಹುದ ಕಂಡು ಕೇಳಿ,
ಮತ್ತೆ ತನುವಿನಾಸೆಯೇಕೆ ಬಿಡು. ವಿರಕ್ತನಾಗು ಮರುಳೆ.
ಕಾಯಜವೈರಿಯ ಪಾದವ ಬಿಡದಿರು.
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನು
ನಿನ್ನ, ತನ್ನತ್ತಲೊಯ್ವನು.
Transliteration Tōriyaḍaguva mēghāḍambaradante,
tanuvina tōrike.
Hīgendaridu nityatvava paḍedahaṅge,
mattēke ī dēhava mamakarisuve?
Āvāga biṭṭu hōhudendariyabāradu.
Dēva dānava mānavaroḷagādavarella aḷidu,
hōhuda kaṇḍu kēḷi,
matte tanuvināseyēke biḍu. Viraktanāgu maruḷe.
Kāyajavairiya pādava biḍadiru.
Nijaguru svatantrasid'dhaliṅgēśvaranu
ninna, tannattaloyvanu.
