ತರಗೆಲೆಯ ಮೆದ್ದು ತಪವಿದ್ದರೂ ಬಿಡದು ಮಾಯೆ.
ಗಾಳಿಯನಾಹಾರವ ಕೊಂಡು,
ಗುಹೆಯ ಹೊಕ್ಕಡೆಯೂ ಬಿಡದು ಮಾಯೆ.
ತನುವಿನಲ್ಲಿ ವ್ಯಾಪಾರ, ಮನದಲ್ಲಿ ವ್ಯಾಕುಳವಾಗಿ
ಕಾಡಿತ್ತು ಮಾಯೆ.
ಆವಾವ ಪರಿಯಲ್ಲಿಯೂ ಘಾತಿಸಿ ಕೊಲುತ್ತಿದೆ ಮಾಯೆ.
ಈ ಪರಿಯ ಬಾಧೆಯಲ್ಲಿ ಬಳಲುತ್ತಿದೆ ಜಗವೆಲ್ಲ.
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ
ನಿನ್ನವರನು ಈ ಮಾಯಾಸಂಸಾರದ ಬಾಧೆಯಲ್ಲಿ,
ಬಳಲದಂತೆ ಮಾಡಯ್ಯ ನಿಮ್ಮ ಧರ್ಮ.
Transliteration Tarageleya meddu tapaviddarū biḍadu māye.
Gāḷiyanāhārava koṇḍu,
guheya hokkaḍeyū biḍadu māye.
Tanuvinalli vyāpāra, manadalli vyākuḷavāgi
kāḍittu māye.
Āvāva pariyalliyū ghātisi koluttide māye.
Ī pariya bādheyalli baḷaluttide jagavella.
Nijaguru svatantrasid'dhaliṅgēśvara
ninnavaranu ī māyāsansārada bādheyalli,
baḷaladante māḍayya nim'ma dharma.
