ಏನ ಮಾಡುವೆನಯ್ಯ?
ಈ ಮನವೆಂಬ ಮರ್ಕಟನ ಸಂಗದಿಂದ,
ಮರ್ಕಟವಿಧಿಯಾಯಿತ್ತಯ್ಯ.
ತನುವೆಂಬ ವೃಕ್ಷದಲ್ಲಿ ಇಂದ್ರಿಯಂಗಳೆಂಬ
ಶಾಖೋಪಶಾಖೆಗಳಿಗೆ ಲಂಘಿಸುತ್ತಿದೆ ನೋಡಯ್ಯ.
ಸಜ್ಜನರಿಗೆ ದುರ್ಜನರ ಸಂಗದಿಂದ
ದುರ್ಜನಿಕೆ ಬಂದಂತಾಯಿತ್ತಯ್ಯ.
ಈ ಮನದ ಮರ್ಕಟತನವ ಮಾಣಿಸಿ
ನಿಮ್ಮಲ್ಲಿ ಕಟ್ಟಿ ಬಂಧವಾಗಿರಿಸೀ ಮನವ
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration Ēna māḍuvenayya?
Ī manavemba markaṭana saṅgadinda,
markaṭavidhiyāyittayya.
Tanuvemba vr̥kṣadalli indriyaṅgaḷemba
śākhōpaśākhegaḷige laṅghisuttide nōḍayya.
Sajjanarige durjanara saṅgadinda
durjanike bandantāyittayya.
Ī manada markaṭatanava māṇisi
nim'malli kaṭṭi bandhavāgirisīmanava
nijaguru svatantrasid'dhaliṅgēśvara.
