ಗುರುವನರಿದು ಗುರುಭಕ್ತಿಯ ಮಾಡಿ,
ಲಿಂಗವನರಿದು ಲಿಂಗಭಕ್ತಿಯ ಮಾಡಿ,
ಜಂಗಮವನರಿದು ಜಂಗಮಭಕ್ತಿಯ ಮಾಡಿ,
ತ್ರಿವಿಧವನು ಒಂದೆಂದು ಕಂಡು,
ತ್ರಿವಿಧ ಭಕ್ತಿಸಂಪನ್ನರಾದವರ ಭಕ್ತರೆಂಬೆನು,
ಅಲ್ಲದವರ ಉದರ ಪೋಷಕರೆಂಬೆನು ಕಾಣಾ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration Guruvanaridu gurubhaktiya māḍi,
liṅgavanaridu liṅgabhaktiya māḍi,
jaṅgamavanaridu jaṅgamabhaktiya māḍi,
trividhavanu ondendu kaṇḍu,
trividha bhaktisampannarādavara bhaktarembenu,
alladavara udara pōṣakarembenu kāṇā,
nijaguru svatantrasid'dhaliṅgēśvara.
