ಕಾಡೊಳಗಣ ಹುಲುಗಿಣಿಯ ಹಿಡಿತಂದು,
ಓಂ ನಮಃಶಿವಾಯ, ಹರಹರ ಶಿವಶಿವ
ಎಂದು ಓದಿಸಿದಡೆ ಓದದೆ?
ನಿಚ್ಚ ನಿಚ್ಚ ನರಾರಣ್ಯದೊಳಗಿದ್ದ ಮನುಷ್ಯರ ಹಿಡಿತಂದು,
ಹಿರಿದು ಪರಿಯಲ್ಲಿ ಉಪದೇಶವ ಮಾಡಿ,
ಶಿವಮಂತ್ರೋಪದೇಶವ ಹೇಳಿದಡೆ,
ಅದ ಮರೆದು, ಕಾಳ್ನುಡಿಯ ನುಡಿವವರು,
ಹುಲುಗಿಣಿಯಿಂದ ಕಷ್ಟ ಕಾಣಾ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration Kāḍoḷagaṇa hulugiṇiya hiḍitandu,
ōṁ namaḥśivāya, harahara śivaśiva
endu ōdisidaḍe ōdade?
Nicca nicca narāraṇyadoḷagidda manuṣyara hiḍitandu,
hiridu pariyalli upadēśava māḍi,
śivamantrōpadēśava hēḷidaḍe,
ada maredu, kāḷnuḍiya nuḍivavaru,
hulugiṇiyinda kaṣṭa kāṇā,
nijaguru svatantrasid'dhaliṅgēśvara.
