ಭಕ್ತನ ಕಾಯವೆ ಶಿವನ ಕಾಯ,
ಶಿವನ ಕಾಯವೆ ಭಕ್ತನ ಕಾಯ.
ಶಿವ ಶಿವ, ಭಕ್ತ ಬೇರೆಯೆ? ಶಿವ ಬೇರೆಯೆ?
ಒಂದೆ ಕಾಣಿರಯ್ಯ.
ಅದೆಂತೆಂದಡೆ.
`ಭಕ್ತ ದೇಹಿಕ ದೇವ, ದೇಹಿಕ ಭಕ್ತ'
ಎಂದು ಶ್ರುತಿ ಹೊಗಳುವ ಕಾರಣ,
ಭಕ್ತಂಗೂ ದೇವಂಗೂ ಕಾಯವೊಂದೆ, ಪ್ರಾಣವೊಂದೇ.
ಎರಡೆಂಬ ಪರಿಭಾಷೆಯ
ನುಡಿಯಲಾಗದು ಭಕ್ತರಾದವರು,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ.
Transliteration Bhaktana kāyave śivana kāya, śivana kāyave bhaktana kāya.
Śiva śiva, bhakta bēreye? Śiva bēreye?
Onde kāṇirayya.
Adentendaḍe.
`Bhakta dēhika dēva, dēhika bhakta'
endu śruti hogaḷuva kāraṇa,
bhaktaṅgū dēvaṅgū kāyavonde, prāṇavondē.
Eraḍemba paribhāṣeya
nuḍiyalāgadu bhaktarādavaru,
nijaguru svatantrasid'dhaliṅgēśvara.
