ಗುರುವ ನರಭಾವದಲ್ಲಿ ಕಂಡಡೆ,
ನರಕ ತಪ್ಪದು ನೋಡಯ್ಯಾ.
ಗುರುವ ಹರಭಾವದಲ್ಲಿ ಕಂಡಡೆ,
ಮೋಕ್ಷ ತಪ್ಪದು ನೋಡಯ್ಯಾ.
ಗುರುಪೂಜೆಯೆ ಹರಪೂಜೆಯೆಂದರಿದು,
ಗುರುಪೂಜೆಯ ಮಾಡಿದಡೆ,
ಹರಪೂಜೆ ತಪ್ಪದು ನೋಡಯ್ಯ.
ಗುರುವಿನ ಒಲುಮೆಯೇ ಹರನ ಒಲುಮೆ.
ಇದು ಸತ್ಯ. ನೀನೇ ಬಲ್ಲೆ.
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರ,
ನಿಮ್ಮ ಭಕ್ತನ, ಗುರುಭಕ್ತಿಯಿದು.
Transliteration Guruva narabhāvadalli kaṇḍaḍe,
naraka tappadu nōḍayyā.
Guruva harabhāvadalli kaṇḍaḍe,
mōkṣa tappadu nōḍayyā.
Gurupūjeye harapūjeyendaridu,
gurupūjeya māḍidaḍe,
harapūje tappadu nōḍayya.
Guruvina olumeyē harana olume.
Idu satya. Nīnē balle.
Nijaguru svatantrasid'dhaliṅgēśvara,
nim'ma bhaktana, gurubhaktiyidu.
