ಪ್ರಸಾದವ ಬಯಸಿ ಪರವನರಿದೆನೆಂಬವಂಗೆ,
ಬೇರೆ ಮತ್ತೆ ಸಾಧಿಸಿ ಅರಿದೆನೆಂಬ ಬಳಲಿಕೆಯದೇಕೇ?
ಜಂಗಮವೆ ಲಿಂಗವೆಂದು ನಂಬಿ ಪೂಜೆಯ ಮಾಡಲು,
ಅದು ತಾನೆ, ಲಿಂಗಪೂಜೆ ನೋಡಾ.
ಆ ಜಂಗಮ ಭಕ್ತಿಯಿಂದ
ಪ್ರಸಾದ ಸಾಧ್ಯವಹುದು. ಮುಂದೆ ಪರವನರಿವ.
ಇದು ಕಾರಣ,
ಜಂಗಮಭಕ್ತಿಯೇ ವಿಶೇಷ, ಇದು ತಪ್ಪದು,
ನಿಜಗುರು ಸ್ವತಂತ್ರಲಿಂಗೇಶ್ವರನ
ನಂಬಿ ನಿಜವನೈದುವಂಗೆ.
Transliteration Prasādava bayasi paravanaridenembavaṅge,
bēre matte sādhisi aridenemba baḷalikeyadēkē?
Jaṅgamave liṅgavendu nambi pūjeya māḍalu,
adu tāne, liṅgapūje nōḍā.
Ā jaṅgama bhaktiyinda
prasāda sādhyavahudu. Munde paravanariva.
Idu kāraṇa,
jaṅgamabhaktiyē viśēṣa, idu tappadu,
nijaguru svatantraliṅgēśvarana
nambi nijavanaiduvaṅge.
