ಗುರುಲಿಂಗ ಪ್ರಸಾದವನು ಸೇವಿಸುವಲ್ಲಿ ಏಕರತಿಯಾಗಿರಬೇಕು.
ಇಷ್ಟಲಿಂಗ ಪ್ರಸಾದವನು ಸೇವಿಸುವಲ್ಲಿ ಏಕರತಿಯಾಗಿರಬೇಕು.
ಜಂಗಮಲಿಂಗ ಪ್ರಸಾದವನು ಸೇವಿಸುವಲ್ಲಿ ಏಕರತಿಯಾಗಿರಬೇಕು.
ಗುರು ಲಿಂಗ ಜಂಗಮದ ಈ ತ್ರಿವಿಧಪ್ರಸಾದವ ಸೇವಿಸುವಲ್ಲಿ
ಏಕರತಿಯಾಗಿರಬೇಕು.
ಅಂತಲ್ಲದೆ, ಅನ್ಯಲಿಂಗ ಪ್ರಸಾದವ ಕೊಳಲಾಗದು.
ಅದೇನು ಕಾರಣವೆಂದಡೆ:
ವೀರಶೈವ ತನ್ನ ಇಷ್ಟಲಿಂಗಕ್ಕೆ ಕೊಟ್ಟು ಕೊಂಬ
ಕ್ರಿಯೆಗೆ ಬಾರದಾಗಿ.
ಭಕ್ತಾಂಗಕೋಟಿಗಳಲ್ಲಿ ಬೇರೆ ಬೇರೆ ಲಿಂಗ ತೋರಿತ್ತೆಂದಡೆ
ಅದು ಬೇರಾಗಬಲ್ಲುದೆ?
ಹಲವು ಘಟ ಜಲಗಳಲ್ಲಿ ಚಂದ್ರನೊಬ್ಬ ತೋರಿದಂತೆ
ಇಂತೀ ಪರಿಯಲ್ಲಿ ಎಸೆವುದು.
ಬಹುಲಿಂಗಭಾವಂಗಳೆಂದಡೆ ಬೇರಾಗಬಲ್ಲುದೆ?
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನ ಅಂಗ ಹಲವಾದಡೇನು
ಅಲ್ಲಿ ತೋರುವುದೊಂದೇ ವಸ್ತು.
Transliteration Guruliṅga prasādavanu sēvisuvalli ēkaratiyāgirabēku.
Iṣṭaliṅga prasādavanu sēvisuvalli ēkaratiyāgirabēku.
Jaṅgamaliṅga prasādavanu sēvisuvalli ēkaratiyāgirabēku.
Guru liṅga jaṅgamada ī trividhaprasādava sēvisuvalli
ēkaratiyāgirabēku.
Antallade, an'yaliṅga prasādava koḷalāgadu.
Adēnu kāraṇavendaḍe:
Vīraśaiva tanna iṣṭaliṅgakke koṭṭu komba
Kriyege bāradāgi.
Bhaktāṅgakōṭigaḷalli bēre bēre liṅga tōrittendaḍe
adu bērāgaballude?
Halavu ghaṭa jalagaḷalli candranobba tōridante
intī pariyalli esevudu.
Bahuliṅgabhāvaṅgaḷendaḍe bērāgaballude?
Nijaguru svatantrasid'dhaliṅgēśvarana aṅga halavādaḍēnu
alli tōruvudondē vastu.
