ಅನುಭಾವವ ನುಡಿವ ಅಣ್ಣಗಳಿರಾ,
ಅನುಭಾವವೆತ್ತ ನೀವೆತ್ತ ಹೋಗಿರಣ್ಣ.
ಅನುಭಾವವೆಂಬುದು ಆತ್ಮವಿದ್ಯೆ.
ಅನುಭಾವವೆಂಬುದು ತಾನಾರೆಂಬುದ ತೋರುವುದು.
ಅನುಭಾವವೆಂಬುದು ನಿಜನಿವಾಸದಲ್ಲಿರಿಸುವುದು.
ಇಂತಪ್ಪ ಅನುಭಾವದನುವನರಿಯದೆ
ಶಾಸ್ತ್ರಜಾಲದ ಪಸರವನಿಕ್ಕಿ
ಕೊಳ್ಳದೆ ಕೊಡದೆ ವ್ಯವಹಾರವ ಮಾಡುವ ಅಣ್ಣಗಳಿರಾ,
ನೀವೆತ್ತ?, ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನ
ಅನುಭಾವವೆತ್ತ?
Transliteration Anubhāvava nuḍiva aṇṇagaḷirā,
anubhāvavetta nīvetta hōgiraṇṇa.
Anubhāvavembudu ātmavidye.
Anubhāvavembudu tānārembuda tōruvudu.
Anubhāvavembudu nijanivāsadallirisuvudu.
Intappa anubhāvadanuvanariyade
śāstrajālada pasaravanikki
koḷḷade koḍade vyavahārava māḍuva aṇṇagaḷirā,
nīvetta?, Nijaguru svatantrasid'dhaliṅgēśvarana
anubhāvavetta?
