ಅಂತರಂಗದಲ್ಲಿದ್ದ ನಿರ್ಮಲ ಪರಂಜ್ಯೋತಿ
ಪ್ರಾಣಲಿಂಗವನರಿಯದೆ
ಬಹಿರಂಗದಲ್ಲಿ ಬಳಲುತ್ತಿದ್ದರಲ್ಲ!
ಒಳಗೆ ತೊಳಗಿ ಬೆಳಗಿ ತೋರುವ ಚಿದಾಕಾರ ಪರಬ್ರಹ್ಮ
ಪ್ರಾಣಲಿಂಗವನವರೆತ್ತ ಬಲ್ಲರು?
ಮಹಾನುಭಾವದಿಂದ ತಿಳಿದು ನೋಡಲು ತನ್ನಲ್ಲಿಯೇ
ತೋರುತ್ತಿದೆ.
ಹೇಳಿಹೆ ಕೇಳಿಹೆನೆಂದಡೆ ನುಡಿಗೊಳಗಾಗದು.
ತಿಳಿದುನೋಡಲು ತಾನಲ್ಲದೆ ಮತ್ತೇನೂ ಇಲ್ಲ.
ಅದೇ ಆದಿಪ್ರಾಣಮಯಲಿಂಗ
ತಾನೇ ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನು.
Transliteration Antaraṅgadallidda nirmala paran̄jyōti
prāṇaliṅgavanariyade
bahiraṅgadalli baḷaluttiddaralla!
Oḷage toḷagi beḷagi tōruva cidākāra parabrahma
prāṇaliṅgavanavaretta ballaru?
Mahānubhāvadinda tiḷidu nōḍalu tannalliyē
tōruttide.
Hēḷihe kēḷihenendaḍe nuḍigoḷagāgadu.
Tiḷidunōḍalu tānallade mattēnū illa.
Adē ādiprāṇamayaliṅga
tānē nijaguru svatantrasid'dhaliṅgēśvaranu.
