ಒಳಗೆ ಹೊರಗಾಯಿತ್ತು, ಹೊರಗೆ ಒಳಗಾಯಿತ್ತು.
ತಿಳಿದು ನೋಡಲು ಒಳಹೊರಗೆಂಬುದಿಲ್ಲ ನೋಡಾ.
ಒಳ ಹೊರಗು ಕೂಡಿದ ತ್ರಿಮಂಡಲದ
ಬೆಡಗಿನ ತಾವರೆಯ ಒಳಗೆ
ಥಳಥಳಿಸುವ ದಿವ್ಯಪೀಠದ ಮೇಲೆ ಹೊಳೆವ ಲಿಂಗವದು.
ಒಳ ಹೊರಗು ಬೆಳಗುತಿಪ್ಪ ಶುದ್ಧ ಜ್ಯೋತಿ ನೋಡಯ್ಯಾ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನ ನಿಲುವು ತಾನೆ ನೋಡಾ.
Transliteration Oḷage horagāyittu, horage oḷagāyittu.
Tiḷidu nōḍalu oḷahoragembudilla nōḍā.
Oḷa horagu kūḍida trimaṇḍalada
beḍagina tāvareya oḷage
thaḷathaḷisuva divyapīṭhada mēle hoḷeva liṅgavadu.
Oḷa horagu beḷagutippa śud'dha jyōti nōḍayyā,
nijaguru svatantrasid'dhaliṅgēśvarana niluvu tāne nōḍā.
