ಆನೆಯು ಕೋಣನೂ ಕೂಡಿ ಅಡವಿಯಲ್ಲಿ ಆಡುತ್ತಿರಲು
ಕೇಸರಿ ಬಂದು ಬೆದರಿಸಿತ್ತು.
ಕೇಸರಿಯ ಕಂಡು ಆನೆ ಅಳಿಯಿತ್ತು.
ಕೋಣ ಕೇಸರಿಯ ನುಂಗಿ ಕೇಸರಿಯಾಯಿತ್ತು.
ಉಡು ಸರ್ಪನ ಹಿಡಿದು ನುಂಗಲು
ಉಡುವಿಂಗೆ ಹೆಡೆಯಾಯಿತ್ತು.
ಆ ಉಡುವಿನ ಹೆಡೆಯ ಮಾಣಿಕವ ಕಂಡು
ಅಡಗಿದ್ದ ಹದ್ದು ಹಾಯ್ದು ಆಕಾಶಕ್ಕೊಯ್ಯಿತ್ತು.
ಆ ಆಕಾಶದಲ್ಲಿ ಮಾಣಿಕದ ಬೆಳಗು ತುಂಬಲು
ಆ ಬೆಳಗ ಕಂಡು ಹಿರಿದೊಂದು ನರಿ ಕೂಗಿತ್ತು.
ಆ ಮಾಣಿಕ ನರಿಯ ನುಂಗಿ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನಲ್ಲಿ ನಿರವಯಲಾಯಿತ್ತು.
Transliteration Āneyu kōṇanū kūḍi aḍaviyalli āḍuttiralu
kēsari bandu bedarisittu.
Kēsariya kaṇḍu āne aḷiyittu.
Kōṇa kēsariya nuṅgi kēsariyāyittu.
Uḍu sarpana hiḍidu nuṅgalu
uḍuviṅge heḍeyāyittu.
Ā uḍuvina heḍeya māṇikava kaṇḍu
aḍagidda haddu hāydu ākāśakkoyyittu.
Ā ākāśadalli māṇikada beḷagu tumbalu
ā beḷaga kaṇḍu hiridondu nari kūgittu.
Ā māṇika nariya nuṅgi,
nijaguru svatantrasid'dhaliṅgēśvaranalli niravayalāyittu.
