ಬ್ರಹ್ಮ ವಿಷ್ಣುಗಳಿಗಗೋಚರ ಪ್ರಸಾದವು
ಸಿದ್ಧ ಗಂಧರ್ವರಿಗಸಾಧ್ಯ ಪ್ರಸಾದವು
ನರಸುರ ಮನುಮುನಿಗಳಿಗಭೇದ್ಯ ಪ್ರಸಾದವು
ವಿಶ್ವದೊಳು ಪರಿಪೂರ್ಣವಾಗಿ,
ವಿಶ್ವಕ್ಕತೀತವೆನಿಸಿದ ಪರಮ ಪ್ರಸಾದವು.
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರಾ,
ನಿಮ್ಮ ಶರಣಂಗೆ ಸಾಧ್ಯ, ಉಳಿದವರಿಗಸಾಧ್ಯವು.
Transliteration Brahma viṣṇugaḷigagōcara prasādavu
sid'dha gandharvarigasādhya prasādavu
narasura manumunigaḷigabhēdya prasādavu
viśvadoḷu paripūrṇavāgi,
viśvakkatītavenisida parama prasādavu.
Nijaguru svatantrasid'dhaliṅgēśvarā,
nim'ma śaraṇaṅge sādhya, uḷidavarigasādhyavu.
