ಆದಿ ಅನಾದಿಯೆಂಬವಕ್ಕೆ ತಾನಾದಿಯಾದ ಕಾರಣ,
ಆದಿಪ್ರಸಾದವೆನಿಸಿತ್ತು.
ಆ ಪ್ರಸಾದವು ಭೇದಿಸಬಲ್ಲ ಪ್ರಸಾದಿಗಲ್ಲದೆ ಸಾಧ್ಯವಾಗದು.
ಸರ್ವಾಧಿಷ್ಠಾತೃ ಶಂಭುಪ್ರಸಾದದಿಂದಲ್ಲದೆ
ಸಂಸಾರ ಕೆಡದು, ಮೋಹಗ್ರಂಥಿ ಬಿಡದು.
ಅದೆಂತೆಂದಡೆ:
ಸೂರ್ಯೋದಯವಾಗೆ ತಮ ಹರಿವಂತೆ,
ಪ್ರಸಾದದಿಂದ ಅನೇಕ ಜನ್ಮಶುದ್ಧ.
ನಿರಂಹಂಕಾರ ಭಾವಸಿದ್ಧಿಯೆಂದರಿದು,
ಪುರಾತನರು ಪ್ರಸಾದವ ಪಡೆದು ಮುಕ್ತರಾದರು,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನ ಶರಣರು.
Transliteration Ādi anādiyembavakke tānādiyāda kāraṇa,
ādiprasādavenisittu.
Ā prasādavu bhēdisaballa prasādigallade sādhyavāgadu.
Sarvādhiṣṭhātr̥ śambhuprasādadindallade
sansāra keḍadu, mōhagranthi biḍadu.
Adentendaḍe:
Sūryōdayavāge tama harivante,
prasādadinda anēka janmaśud'dha.
Niranhaṅkāra bhāvasid'dhiyendaridu,
purātanaru prasādava paḍedu muktarādaru,
nijaguru svatantrasid'dhaliṅgēśvarana śaraṇaru.
