ಅಣುವಿಂಗೆ ಅಣು, ಮಹತ್ತಿಂಗೆ ಮಹತ್ತಾಗಿ
ಎಣಿಸಬಾರದ ಬಹಳ ಬ್ರಹ್ಮಕ್ಕೆ ಎಣೆಯಾವುದು ಹೇಳಾ?
ಅಗಣಿತನಕ್ಷಯ ಸರ್ವಜೀವ ಮನಃಪ್ರೇರಕ ಸರ್ವಗತ ಸರ್ವಜ್ಞ
ಏಕೋದೇವ ಸಂವಿತ್ ಪ್ರಕಾಶ ಪರಮೇಶ್ವರನು
ಮನವೆಂಬ ದರ್ಪಣದೊಳಗೆ, ಬಿಂದ್ವಾಕಾಶರೂಪನಾಗಿ
ಬೆಳಗಿ ತೋರುವ
ಶಿವನ ಅಂದವ ತಿಳಿದು ನೋಡಿ ಕೂಡಬಲ್ಲಾತನೆ
ಪರಮಶಿವಯೋಗಿ.
ಆತನೇ ಜನನ ಮರಣ ರಹಿತ, ಆತನೇ ಸರ್ವಜ್ಞನು,
ಆತನೇ ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನು ತಾನೆ.
Transliteration Aṇuviṅge aṇu, mahattiṅge mahattāgi
eṇisabārada bahaḷa brahmakke eṇeyāvudu hēḷā?
Agaṇitanakṣaya sarvajīva manaḥprēraka sarvagata sarvajña
ēkōdēva sanvit prakāśa paramēśvaranu
manavemba darpaṇadoḷage, bindvākāśarūpanāgi
beḷagi tōruva
śivana andava tiḷidu nōḍi kūḍaballātane
paramaśivayōgi.
Ātanē janana maraṇa rahita, ātanē sarvajñanu,
ātanē nijaguru svatantrasid'dhaliṅgēśvaranu tāne.
