ಅಂಗ ಲಿಂಗವೆಂಬ ಸಂದು ಸಂಶಯವಳಿದು
ಲಿಂಗಾಂಗದೈಕ್ಯವನರಿದು ಕೂಡಿದ ಶಿವಯೋಗಿಗೆ
ನಿಶ್ಚಿಂತತ್ವವೇ ಶಿವಧ್ಯಾನ;
ಸಕಲ ಕ್ರೀಗಳು ಲಯವಾದ ಇರವೇ ಶಿವಪೂಜೆ;
ಚರಾಚರವನು ವ್ಯಾಪಿಸಿ ನಿಂದ ನಿಶ್ಚಲವೇ ಪ್ರದಕ್ಷಿಣ;
ಸೋಹಂ ದಾಸೋಹಂ ಭಾವವಳಿದು
ಆ ಶಿವೋಹಂ ಭಾವ ತನ್ನಲ್ಲಿ ನಿಂದುದೇ ನಮಸ್ಕಾರ;
ಸ್ವಯ ಪರವೆಂಬ ವಿವೇಕದನುಭಾವವಡಗಿ
ನಿಂದ ಮೌನವೇ ಸ್ತೋತ್ರ;
ಬಿಂದುನಾದಾದಿ ಉಪಾಧಿಯ ತೊಲಗಿದ ಪರಿಪೂರ್ಣ ಶಿವನಾಗಿ
ತಾ ಶಿವನಾದೆನೆಂಬ ಚಿದಹಂಭಾವವಡಗಿ
ವಿಧಿ ನಿಷೇಧಂಗಳನರಿಯದುದೇ ಮಹಾಶೀಲ;
ಸರ್ವಜ್ಞತ್ವ ನಿತ್ಯತೃಪ್ತಿ ಅನಾದಿಪ್ರಬೋಧ,
ಸ್ವತಂತ್ರ ನಿತ್ಯ ಶಕ್ತಿ ಎಂಬ
ಷಡ್ಗುಣೈಶ್ವರ್ಯ ತನಗೂ ಶಿವಂಗೂ ಸಮವಾಗಿ
ಶಿವನೊಳಗೆ ತಾನು, ತನ್ನೊಳಗೆ ಶಿವನು
ಅಡಗಿ ಸಮರಸವಾದುದೇ,
ನಿಜಗುರು ಸ್ವತಂತ್ರಸಿದ್ಧಲಿಂಗೇಶ್ವರನಲ್ಲಿ
ಪರಮನಿರ್ವಾಣವೆನಿಸುವುದು.
Transliteration (Vachana in Roman Script) Aṅga liṅgavemba sandu sanśayavaḷidu
liṅgāṅgadaikyavanaridu kūḍida śivayōgige
niścintatvavē śivadhyāna;
sakala krīgaḷu layavāda iravē śivapūje;
carācaravanu vyāpisi ninda niścalavē pradakṣiṇa;
sōhaṁ dāsōhaṁ bhāvavaḷidu
ā śivōhaṁ bhāva tannalli nindudē namaskāra;
svaya paravemba vivēkadanubhāvavaḍagi
ninda maunavē stōtra;
Bindunādādi upādhiya tolagida paripūrṇa śivanāgi
tā śivanādenemba cidahambhāvavaḍagi
vidhi niṣēdhaṅgaḷanariyadudē mahāśīla;
sarvajñatva nityatr̥pti anādiprabōdha,
svatantra nitya śakti emba
ṣaḍguṇaiśvarya tanagū śivaṅgū samavāgi
śivanoḷage tānu, tannoḷage śivanu
aḍagi samarasavādudē,
nijaguru svatantrasid'dhaliṅgēśvaranalli
paramanirvāṇavenisuvudu.
Read More
