ಆಕಾಶದಿಂದಲಾಯಿತ್ತು ನಿರಾಕಾರ.
ಆ ನಿರಾಕಾರ ಚಿದಕಾಶದ ಮೇಲೆ ನಿಂದಿತ್ತು.
ಆ ನಿರಾಕಾರದಿಂದಲಾಯಿತ್ತು ಭಾವ.
ಆ ಭಾವ ಕರಣದ ಮೇಲೆ ನಿಂದಿತ್ತು.
ಆ ಭಾವದಿಂದಲಾಯಿತ್ತು ಮನ.
ಆ ಮನವು ಸೂಕ್ಷ್ಮದ ಮೇಲೆ ನಿಂದಿತ್ತು.
ಆ ಮನದಿಂದಲಾಯಿತ್ತು ತನು.
ಆ ತನು ಸ್ಥೂಲದ ಮೇಲೆ ನಿಂದಿತ್ತು.
ಆ ತನುವು ಮನವ ಕೂಡಿದಲ್ಲಿಯೇ ತನು ನಷ್ಟವಾಯಿತ್ತು.
ಮನವು ಭಾವವ ಕೂಡಿದಲ್ಲಿಯೇ ಮನ ನಷ್ಟವಾಯಿತ್ತು.
ಭಾವವು ನಿರಾಕಾರವ ಕೂಡಿದಲ್ಲಿಯೇ ಭಾವ ನಷ್ಟವಾಯಿತ್ತು.
ಇಂತೀ ತ್ರಿವಿಧ ನಷ್ಟವಾದಲ್ಲಿಯೇ
ಶರಣನ ಹುಟ್ಟು ನಷ್ಟವಾಯಿತ್ತು,
ಘನಲಿಂಗಿಯ ಮೋಹದ ಚೆನ್ನಮಲ್ಲಿಕಾರ್ಜುನ.
Transliteration Ākāśadindalāyittu nirākāra.
Ā nirākāra cidakāśada mēle nindittu.
Ā nirākāradindalāyittu bhāva.
Ā bhāva karaṇada mēle nindittu.
Ā bhāvadindalāyittu mana.
Ā manavu sūkṣmada mēle nindittu.
Ā manadindalāyittu tanu.
Ā tanu sthūlada mēle nindittu.
Ā tanuvu manava kūḍidalliyē tanu naṣṭavāyittu.
Manuvu bhāvava kūḍidalliyē mana naṣṭavāyittu.
Bhāvavu nirākārava kūḍidalliyē bhāva naṣṭavāyittu.
Intī trividha naṣṭavādalliyē
śaraṇana huṭṭu naṣṭavāyittu,
ghanaliṅgiya mōhada cennamallikārjuna.
