ಕೋಗಿಲೆ ಸ್ವರಗೈದಿತೆಂದು
ಕಾಗೆ ಅದಕ್ಕೆ ಇದಿರಾಗಿ ಕುಳಿತು ಕರ್ರೆಂದು ಕಟಕಿಯನಾಡಿದರೆ
ಆ ಕೋಗಿಲೆಗಾದ ಕೊರತೆಯೇನಯ್ಯ?
ಸೂರ್ಯ ಪ್ರಕಾಶವನುಳ್ಳವನಲ್ಲಿ ಕತ್ತಲೆ ಮೈಯವನೆಂದು
ಹಗಲು ಕಣ್ಣು ಕಾಣದ ಗೂಗೆ ಕೆಟ್ಟು ನುಡಿದರೆ
ಸೂರ್ಯನಿಗಾದ ಕೊರತೆಯೇನಯ್ಯ?
ಕನ್ನಡಿಗೆ ಮೂಗಿಲ್ಲವೆಂದು ಮೂಕೊರೆಯೆ ಹಳಿದರೆ
ಆ ಕನ್ನಡಿಗಾದ ಕೊರತೆಯೇನಯ್ಯ?
ದ್ವೈತ ಅದ್ವೈತವ ನೂಂಕಿ
ಅಂಗ ಲಿಂಗದ ಹೊಲಬನರಿದು
ಸ್ವಯಂಲಿಂಗಿಯಾದ ಶರಣನ
ಅಂಗವಿಕಾರದ ಪಂಗುಳ ಮಾನವರು
ಜರಿದು ಝಂಕಿಸಿ ನುಡಿದರೆ
ಆ ಲಿಂಗಾನುಭಾವಿಗಾದ ಕೊರತೆಯೇನಯ್ಯ?
ಘನಲಿಂಗಿಯ ಮೋಹದ ಚೆನ್ನಮಲ್ಲಿಕಾರ್ಜುನ.
Transliteration Kōgile svaragaiditendu
kāge adakke idirāgi kuḷitu karrendu kaṭakiyanāḍidare
ā kōgilegāda korateyēnayya?
Sūrya prakāśavanuḷḷavanalli kattale maiyavanendu
hagalu kaṇṇu kāṇada gūge keṭṭu nuḍidare
sūryanigāda korateyēnayya?
Kannaḍige mūgillavendu mūkoreye haḷidare
ā kannaḍigāda korateyēnayya?
Dvaita advaitava nūṅki
aṅga liṅgada holabanaridu svayanliṅgiyāda śaraṇana
aṅgavikārada paṅguḷa mānavaru
jaridu jhaṅkisi nuḍidare
ā liṅgānubhāvigāda korateyēnayyā?
Ghanaliṅgiya mōhada cennamallikārjuna.
Music
Courtesy:
