ಗುರುಕರುಣದಿಂದಾದ ನ್ಯಾಯನಿರ್ಣಯ
ಅನರ್ವಯವೆಂಬ ದಿನಸುಗಳು
ಬಾಲಲೀಲಾ ವಾಕ್ಯಗಳಿಂದ ಆಧಾರದಲ್ಲಿ ಆಶ್ಚರ್ಯವಾಗಿ
ಕೂಗುತಿರ್ಪವು ಅನುಭಾವಸಾರ.
ಆದಿ ಬೀಜಾಕ್ಷರಮಂ ತ್ರಿವಿಧಸಂಧಾನದಿಂದ
ಆಯಾಸವಿಲ್ಲದೆ ಆಚಾರಕ್ಕೆ ಸೇರ್ಪಡೆಯಾಗಿ,
ವಿಚಾರದಿಂದ ನಾಮಾಮೃತಮಂ ಸ್ವೀಕರಿಸಿ,
ಸದಾಚಾರ ಸನ್ನಹಿತವಾಗಿ ಅಗೋಚರ ಮಾರ್ಗವೆಂದರಿದು,
ಗುಪ್ತಭಕ್ತಿಯಿಂದ ಉಮಾಶಕ್ತಿ ಭಿಕ್ಷಾಟನಂಗೈದು
ಯುಕ್ತಿಜ್ಞಾನ ಆಪ್ತಾಲೋಚನದಿಂದ
ಬಹುಮಾನದಿಂದ ಕರೆದುಂಡು
ವಿರಕ್ತಿ ವೈರಾಗ್ಯ ಆನಂದವ ಆಚರಿಸಿ,
ಮಾನಸ ವಾಚಕ ಕಾಯಕ ರೇಚಕ
ಪೂರಕ ಕುಂಭಕವೆಂಬ ಷಡುವರ್ಣದ
ದುರಾಚಾರಮಂ ಕಳೆದುಳಿದು, ಮಾಯಾಪ್ರಪಂಚದ
ಆಟವೆನ್ನಲ್ಲಿ ಗಟ್ಟಿಗೊಂಡು, ರಾಯಭಾರಮಂ ನಡೆಸಿದ
ಮಾಯಾವಿರಹಿತ ನೀನಲ್ಲ[ವೆ],
ನಿಜಗುರು ನಿರಾಲಂಬಪ್ರಭುವೆ.
Transliteration Gurukaruṇadindāda n'yāyanirṇaya
anarvayavemba dinasugaḷu
bālalīlā vākyagaḷinda ādhāradalli āścaryavāgi
kūgutirpavu anubhāvasāra.
Ādi bījākṣaramaṁ trividhasandhānadinda
āyāsavillade ācārakke sērpaḍeyāgi,
vicāradinda nāmāmr̥tamaṁ svīkarisi,
sadācāra sannahitavāgi agōcara mārgavendaridu,
guptabhaktiyinda umāśakti bhikṣāṭanaṅgaidu
yuktijñāna āptālōcanadindaBahumānadinda kareduṇḍu
virakti vairāgya ānandava ācarisi,
mānasa vācaka kāyaka rēcaka
pūraka kumbhakavemba ṣaḍuvarṇada
durācāramaṁ kaḷeduḷidu, māyāprapan̄cada
āṭavennalli gaṭṭigoṇḍu, rāyabhāramaṁ naḍesida
māyāvirahita nīnalla[ve],
nijaguru nirālambaprabhuve.
