ಅಂಗದ ಮೇಲೆ ಲಿಂಗವಿದ್ದ ಬಳಿಕ,
ಲಿಂಗಹೀನರ ಬೆರಸಲಾಗದು.
ಅಂಗದ ಮೇಲೆ ಲಿಂಗವಿದ್ದ ಬಳಿಕ,
ಲಿಂಗ ಮುಂತಾಗಿ ಎಲ್ಲಾ ಕ್ರೀಗಳನೂ ಗಮಿಸಬೇಕಲ್ಲದೆ,
ಅಂಗ ಮುಂತಾಗಿ ಗಮಿಸಲಾಗದು.
ಲಿಂಗಸಂಬಂಧಿಯಾಗಿ ಅಂಗ
ಮುಂತಾಗಿಪ್ಪವರು ಲಿಂಗಕ್ಕೆ ದೂರವಯ್ಯಾ,
ನಾಗಪ್ರಿಯ ಚೆನ್ನರಾಮೇಶ್ವರಾ.
Transliteration Aṅgada mēle liṅgavidda baḷika,
liṅgahīnara berasalāgadu.
Aṅgada mēle liṅgavidda baḷika,
liṅga muntāgi ellā krīgaḷanū gamisabēkallade,
aṅga muntāgi gamisalāgadu.
Liṅgasambandhiyāgi aṅga
muntāgippavaru liṅgakke dūravayyā,
nāgapriya cennarāmēśvarā.