ಕಾಳಕೂಟದ ತತ್ತಿಯಲ್ಲಿ ಒಂದು ಕೋಳಿ ಹುಟ್ಟಿತ್ತು.
ಹಾರುವುದಕ್ಕೆ ಗರಿಯಿಲ್ಲ, ಓಡುವುದಕ್ಕೆ ಕಾಲಿಲ್ಲ.
ನೋಡುವುದಕ್ಕೆ ಕಣ್ಣಿಲ್ಲ, ಕೂಗುವ ಬಾಯಿ ಒಂದೆ ಅದೆ.
ಅದು ಕೂಗುವಾಗ ಜಾವವಳಿದು, ದಿನ ಸತ್ತು,
ಮಾಸ ತುಂಬುವದನರಿತಲ್ಲದೆ ದಿನ ನಾಶವೆಂದು ಕೂಗುತ್ತದೆ.
ಕೂಗಿನ ದನಿಯ ಕೇಳಿ ಬೆಳಗಾಯಿತ್ತು,
ಜಗದ ಸುಂಕದೊಡೆಯ ಬಂಕೇಶ್ವರಲಿಂಗಾ.
Transliteration Kāḷakūṭada tattiyalli ondu kōḷi huṭṭittu.
Hāruvudakke gariyilla, ōḍuvudakke kālilla.
Nōḍuvudakke kaṇṇilla, kūguva bāyi onde ade.
Adu kūguvāga jāvavaḷidu, dina sattu,
māsa tumbuvadanaritallade dina nāśavendu kūguttade.
Kūgina daniya kēḷi beḷagāyittu,
jagada suṅkadoḍeya baṅkēśvaraliṅgā.
