ಕಾಯದ ಜೀವದ ಮಧ್ಯದಲ್ಲೊಂದೂರ ಬಾಗಿಲಲ್ಲಿ
ಮೂವರು ಹೊಲೆಯರ ಕಾವಲು.
ಒಬ್ಬ ಜಾತಿಸೂತಕ, ಒಬ್ಬ ಜನನಸೂತಕ, ಒಬ್ಬ ಪ್ರೇತಸೂತಕ.
ಇಂತೀ ಗ್ರಾಮದ ಹೊಲೆಯರು ಕೊಂಡಾಡುತ್ತಿದ್ದರು.
ಒಬ್ಬಂಗೆ ಅಂಡೊಡೆದು, ಒಬ್ಬಂಗೆ ಅಂಗ ಭಿನ್ನವಾಗಿ,
ಒಬ್ಬಂಗೆ ಶಿರಚ್ಛೇದನವಾಗಿ,
ಗ್ರಾಮದ ಬಾಗಿಲು ಬಟ್ಟಬಯಲಾಯಿತ್ತು.
ಬಂಕೇಶ್ವರಲಿಂಗವನರಿಯಿರಣ್ಣಾ.
Transliteration Kāyada jīvada madhyadallondūra bāgilalli
mūvaru holeyara kāvalu.
Obba jātisūtaka, obba jananasūtaka, obba prētasūtaka.
Intī grāmada holeyaru koṇḍāḍuttiddaru.
Obbaṅge aṇḍoḍedu, obbaṅge aṅga bhinnavāgi,
obbaṅge śiracchēdanavāgi,
grāmada bāgilu baṭṭabayalāyittu.
Baṅkēśvaraliṅgavanariyiraṇṇā.
