ಆಚಾರದರಿವು ಆಗಮವ ಕೂಡಿಕೊಂಡಿಹುದು.
ವಿಚಾರದರಿವು ಶಾಸ್ತ್ರವ ಕೂಡಿಕೊಂಡಿಹುದು.
ಲಿಂಗಾಚಾರದರಿವು ಅಂಗಭೋಗವ ಕೂಡಿಕೊಂಡಿಹುದು.
ಆದಿ ವಿಚಾರದರಿವು ಜ್ಞಾನವ ಕೂಡಿಕೊಂಡಿಹುದು.
ಈ ಚತುರ್ವಿಧದೊಳಗೆ ಆವಂಗವೂ ಅಲ್ಲ. ಎಮ್ಮ ಶರಣರ ಪರಿ ಬೇರೆ.
ಅದೆಂತೆಂದರೆ; ಗುರು ಕರದಲ್ಲಿ ಹುಟ್ಟಿದರು, ಲಿಂಗದಲ್ಲಿ ಬೆಳೆದರು.
ಜಂಗಮದ ಸಂಗವ ಮಾಡಿದರು, ಪ್ರಸಾದದಲ್ಲಿ ಅಡಗಿದರು.
ಇದೀಗ ನಮ್ಮ ಶರಣರ ನಡೆನುಡಿ ಅರಿವು ಆಚಾರ ಲಿಂಗೈಕ್ಯ.
ಈ ಚತುರ್ವಿಧವು ಹೊರತಾಗಿ,
ಅವರೊಬ್ಬರು ಸಾಧಿಸಿ ಎಂದರೆ,
ಸಾಧಕರಿಗೆ ಸಾಧ್ಯವಲ್ಲ, ಭೇದಕರಿಗೆ ಭೇದ್ಯವಲ್ಲ.
ಅರಿವಿಂಗೆ ಅಪ್ರಮಾಣು, ವಾಙ್ಮನಕ್ಕಗೋಚರ.
ಆಗಮ ಶಾಸ್ತ್ರಂಗಳು ಅರಸಿ ಕಾಣವು. ಇದು ಕಾರಣವಾಗಿ,
ಎಮ್ಮ ಶರಣರು ಗುರು, ಲಿಂಗ, ಜಂಗಮ, ಪ್ರಸಾದ
ಈ ಚತುರ್ವಿಧವಿಡಿದು ಅಚಲಪದವನೆಯ್ದಿದರು.
ಇದಕ್ಕೆ ನೀವೆ ಸಾಕ್ಷಿ,
ಬಸವಪ್ರಿಯ ಕೂಡಲಚೆನ್ನಬಸವಣ್ಣ.
Transliteration Ācāradarivu āgamava kūḍikoṇḍ'̔ihudu.
Vicāradarivu śāstrava kūḍikoṇḍ'̔ihudu.
Liṅgācāradarivu aṅgabhōgava kūḍikoṇḍ'̔ihudu.
Ādi vicāradarivu jñānava kūḍikoṇḍ'̔ihudu.
Ī caturvidhadoḷage āvaṅgavū alla. Em'ma śaraṇara pari bēre.
Adentendare; guru karadalli huṭṭidaru, liṅgadalli beḷedaru.
Jaṅgamada saṅgava māḍidaru, prasādadalli aḍagidaru.
Idīga nam'ma śaraṇara naḍenuḍi arivu ācāra liṅgaikya.
Ī caturvidhavu horatāgi,
Avarobbaru sādhisi endare,
sādhakarige sādhyavalla, bhēdakarige bhēdyavalla.
Ariviṅge apramāṇu, vāṅmanakkagōcara.
Āgama śāstraṅgaḷu arasi kāṇavu. Idu kāraṇavāgi,
em'ma śaraṇaru guru, liṅga, jaṅgama, prasāda
ī caturvidhaviḍidu acalapadavaneydidaru.
Idakke nīve sākṣi,
basavapriya kūḍalacennabasavaṇṇa.
