ಆಧಾರ, ಸ್ವಾಧಿಷ್ಠನ, ಮಣಿಪೂರಕ, ಅನಾಹತ, ವಿಶುದ್ಧಿ,

ಆಧಾರ, ಸ್ವಾಧಿಷ್ಠಾನ, ಮಣಿಪೂರಕ, ಅನಾಹತ, ವಿಶುದ್ಧಿ, ಆಜ್ಞಾಚಕ್ರವೆಂಬ ಷಡಾಧಾರಚಕ್ರವನರಿದು, ಏರಿ ಏರಿ ಇಳಿದು ಆದಿಯ ನೋಡಿಕೊಂಡು, ಆದಿ ಅನಾದಿ ಎಂಬ ಭೇದವ ನೋಡಿ, ಶೋಧಿಸಿ, ಸಪ್ತಧಾತುವಿನ ನೆಲೆಯ ಕಂಡು, ಮನ ಬುದ್ಧಿ ಚಿತ್ತವ ಏಕಹುರಿಯ ಮಾಡಿ, ಉತ್ಪತ್ತಿ ಸ್ಥಿತಿ ಲಯವೆಂಬ ಕಾಲಮೂಲಾದಿಗಳ ಸುಟ್ಟು, ಧ್ಯಾನದಲ್ಲಿ ನಿಂದು, ಅಂಗ ಲಿಂಗ ಹಸ್ತ ಮುಖ ಅರ್ಪಿತ ಅವಧಾನವೆಂಬ ಷಟ್‍ಸ್ಥಲವ ಮೆಟ್ಟಿನಿಂದು, ಆರರಿಂದ ವಿೂರಿ ತೋರುವ ಬೆಳಗ ಕಂಡು, ನಾನು ಒಳಹೊಕ್ಕು ನೋಡಲಾಗಿ, ಒಳಹೊರಗೆ ತೊಳತೊಳಗಿ ಬೆಳಗುತ್ತ ಇಳೆ ಬ್ರಹ್ಮಾಂಡ ತಾನೆಯಾಗಿರ್ದ ನಮ್ಮ ಬಸವಪ್ರಿಯ ಕೂಡಲಚೆನ್ನಬಸವಣ್ಣ.

Transliteration Ādhāra, svādhiṣṭhāna, maṇipūraka, anāhata, viśud'dhi, ājñācakravemba ṣaḍādhāracakravanaridu, ēri ēri iḷidu ādiya nōḍikoṇḍu, ādi anādi emba bhēdava nōḍi, śōdhisi, saptadhātuvina neleya kaṇḍu, mana bud'dhi cittava ēkahuriya māḍi, utpatti sthiti layavemba kālamūlādigaḷa suṭṭu, dhyānadalli nindu, aṅga liṅga hasta mukha arpita avadhānavemba ṣaṭ‍sthalava meṭṭinindu, ārarinda viūri tōruva beḷaga kaṇḍu, nānu oḷahokku nōḍalāgi, oḷahorage toḷatoḷagi beḷagutta iḷe brahmāṇḍa tāneyāgirda nam'ma basavapriya kūḍalacennabasavaṇṇa.

ಪ್ರತಿಕ್ರಿಯೆಗಳು / Comments