ಪೃಥ್ವಿ, ಅಪ್ಪು, ಅಗ್ನಿ, ವಾಯು, ಆಕಾಶ, ಚಂದ್ರ,
ಸೂರ್ಯ, ಸೋಮ, ಮಂಗಳ, ಬುಧ, ಬೃಹಸ್ಪತಿ,
ಶುಕ್ರ, ಶನಿ ಇವು ಮೊದಲಾದ ಪಂಚತತ್ವ ನವಗ್ರಹಂಗಳಿಲ್ಲದಂದಿನ,
ನಕ್ಷತ್ರಂಗಳಿಲ್ಲದಂದಿನ, ಸಪ್ತ ಸಮುದ್ರಂಗಳಿಲ್ಲದಂದಿನ,
ಸಪ್ತಕುಲ ಪರ್ವತಂಗಳು ಇಲ್ಲದಂದಿನ,
ಸಪ್ತಮುನಿವರ್ಗಂಗು ಇಲ್ಲದಂದಿನ,
ಹರಿಬ್ರಹ್ಮ, ಕಾಲಕರ್ಮ, ದಕ್ಷಾದಿಗಳಿಲ್ಲದಂದಿನ
ರುದ್ರಕೋಟಿ, ಸದಾಶಿವನಿಲ್ಲದಂದಿನ,
ಏನೂ ಏನೂ ಇಲ್ಲದಂದಿನ,
ಶೂನ್ಯ ನಿಶ್ಶೂನ್ಯಕ್ಕೆ ನಿಲ್ಕುದ ಮಹಾಘನವ
ನಾನು ಬಲ್ಲೆ, ತಾನು ಬಲ್ಲೆನೆಂದು
ನುಡಿವ ಹೀನಮನುಜರ ಕೂಗಾಟ,
ಬೇಟಕ್ಕೆ ನಾಯಿ ಬೊಗಳಿದಂತಾಯಿತ್ತು.
ಆ ತುಟ್ಟತುದಿಯಲ್ಲಿಪ್ಪ ಘನವ
ಮುಟ್ಟಿ ಹಿಡಿದುಬಂದ ಶರಣರು ಬಲ್ಲರಲ್ಲದೆ,
ಬಹುವಾಕ್ಕು ಜಾಲವ ಕಲಿತಕೊಂಡು,
ಗಟ್ಟಿತನದಲ್ಲಿ ಬೊಗಳಿಯಾಡುವ
ಮಿಟ್ಟೆಯ ಭಂಡರೆತ್ತ ಬಲ್ಲರು ನಮ್ಮ ಶರಣರ ಸುದ್ದಿಯ,
ಬಸವಪ್ರಿಯ ಕೂಡಲಚೆನ್ನಬಸವಣ್ಣ ?
Transliteration Pr̥thvi, appu, agni, vāyu, ākāśa, candra,
sūrya, sōma, maṅgaḷa, budha, br̥haspati,
śukra, śani ivu modalāda pan̄catatva navagrahaṅgaḷilladandina,
nakṣatraṅgaḷilladandina, sapta samudraṅgaḷilladandina,
saptakula parvataṅgaḷu illadandina,
saptamunivargaṅgu illadandina,
haribrahma, kālakarma, dakṣādigaḷilladandina
rudrakōṭi, sadāśivanilladandina,
ēnū ēnū illadandina,
śūn'ya niśśūn'yakke nilkuda mahāghanava
Nānu balle, tānu ballenendu
nuḍiva hīnamanujara kūgāṭa,
bēṭakke nāyi bogaḷidantāyittu.
Ā tuṭṭatudiyallippa ghanava
muṭṭi hiḍidubanda śaraṇaru ballarallade,
bahuvākku jālava kalitakoṇḍu,
gaṭṭitanadalli bogaḷiyāḍuva
miṭṭeya bhaṇḍaretta ballaru nam'ma śaraṇara suddiya,
basavapriya kūḍalacennabasavaṇṇa?
