ನುಲಿಯೊಡೆಯರೆ ನಿಮ್ಮಾಳ್ದರ ಕೊಳ್ಳಿರೆ.
ಆಳ್ದರೆಂದವರಾರು?
ಅವರು ನಿಮ್ಮ ಕೈಯಲ್ಲಿದ್ದಂಥವರೂ ಅವರಾಳ್ದರಲ್ಲ.
ಅವರೇನು? ಅವರು ನಿಮ್ಮ ಇಷ್ಟರುದ್ರರಾಗರೆ?
ಜಂಗಮವಾಗಿದ್ದಹರು ಇವರು ಬೇಡವೆ?
ಇಹರೆ ಬೇಡೆನ್ನೆ, ಹೋಹರೆ ನಿಲಿಸ ಶಕ್ತನಲ್ಲ.
ನಾವು ಇರಲು ಬಲ್ಲಲ್ಲಿ ಇರಿ, ಕೈಯಲ್ಲಿ ಕೊಳ್ಳಿರೆ.
ಮುನ್ನವೆ ಕೊಂಡಿದ್ದೆನು, ಎನ್ನನೇಕೆ ಒಲ್ಲೆಯಯ್ಯಾ,
ನೀನು ಮುನಿದಿದ್ದೆಯಾಗಿ, ಇನ್ನು ಮುನಿವುದಿಲ್ಲ ನಾನು.
ನಿಮ್ಮ ನಂಬುವದಿಲ್ಲ. ಹೊಣೆಯ ಕೊಟ್ಟೆಹೆನು.
ಅದ ಕಂಡು, ಮಾಚಿದೇವ
ಮಹಾಪ್ರಸಾದಿ ಹೊಣೆಯಾಗಯ್ಯಾ.
ನಂಬೆನು ಜೀಯಾ, ನಿಮ್ಮಾಣೆ.
ಪತ್ರವಾದರೆ ಕೊಟ್ಟೆಹೆನು, ಇರಲಿಕೆ ಠಾವೆಲ್ಲಿ?
ಕರದಲ್ಲಿಯೆ ಅಲ್ಲ, ಉರದಲ್ಲಿಯೆ ಅಹುದು.
ನಂಬಿದೆನು, ಸುಖದಲ್ಲಿಹ ಧರ್ಮೇಶ್ವರ[ಲಿಂಗಾ].
Transliteration Nuliyoḍeyare nim'māḷdara koḷḷire.
Āḷdarendavarāru?
Avaru nim'ma kaiyalliddanthavarū avarāḷdaralla.
Avarēnu? Avaru nim'ma iṣṭarudrarāgare?
Jaṅgamavāgiddaharu ivaru bēḍave?
Ihare bēḍenne, hōhare nilisa śaktanalla.
Nāvu iralu ballalli iri, kaiyalli koḷḷire.
Munnave koṇḍiddenu, ennanēke olleyayyā,
nīnu munididdeyāgi, innu munivudilla nānu.
Nim'ma nambuvadilla. Hoṇeya koṭṭehenu.
Ada kaṇḍu, mācidēva
mahāprasādi hoṇeyāgayyā.
Nambenu jīyā, nim'māṇe.
Patravādare koṭṭehenu, iralike ṭhāvelli?
Karadalliye alla, uradalliye ahudu.
Nambidenu, sukhadalliha dharmēśvara[liṅgā].
