ಹರಹರಯೆಂದು ನೆನೆದಡೆ
ಜನನ ಮರಣ ಹಿಂಗುವದೆ?
ಹಾಂಗೆ ಲೋಕದ ಮಾತ ಕೇಳಲಾಗದು.
ಅದು ಹೇಂಗೆಯೆಂದಡೆ:
ಜ್ಯೋತಿಯ ನೆನೆದಡೆ ತಿಮಿರ ಹೋಹುದೇನಯ್ಯಾ?
ಪಂಚಾಮೃತವ ನೆನೆದಡೆ
ಹಸಿವು ತೃಷೆ ಅಡಗುವುದೇನಯ್ಯಾ?
ಆಗಮಶಾಸ್ತ್ರವ ನೋಡಿದಡೆ,
ಕಿವಿಗೊಟ್ಟು ಕೇಳಿ ಹಾಡಿ ಪಾಡಿದಡೆ,
ಅಯ್ಯಾ ನಿಮ್ಮ ಕಂಡಂತಾಯಿತ್ತಯ್ಯಾ ಎಂದುದಾಗಿ,
ಆದಡಾಗಲಿ ಕಂಡು ಆಡುವುದಲ್ಲದೆ,
ಕಾಣದೆ ಆಡುವುದೆಲ್ಲ ಸಂತೆಯಾಗಿ ಹೋಯಿತ್ತಯ್ಯ ಕಾಣಾ,
ಜಂಗಮಲಿಂಗಪ್ರಭುವೆ
Transliteration Haraharayendu nenedaḍe
janana maraṇa hiṅguvade?
Hāṅge lōkada māta kēḷalāgadu.
Adu hēṅgeyendaḍe:
Jyōtiya nenedaḍe timira hōhudēnayyā?
Pan̄cāmr̥tava nenedaḍe
hasivu tr̥ṣe aḍaguvudēnayyā?
Āgamaśāstrava nōḍidaḍe,
kivigoṭṭu kēḷi hāḍi pāḍidaḍe,
ayyā nim'ma kaṇḍantāyittayyā endudāgi,
ādaḍāgali kaṇḍu āḍuvudallade,
kāṇade āḍuvudella santeyāgi hōyittayya kāṇā,
jaṅgamaliṅgaprabhuve
