ನಿರಾಲಂಬ ಶರಣನೆಂತಿಹನೆಂದರೆ ಮನಬುದ್ಧಿ ಚಿತ್ತಾಹಂಕಾರಗಳಿಂದಾದ
ತನುಕರಣಜಂಗುಳಿಯನುಳಿದು ಮೋಕ್ಷಕಾಯಶೂನ್ಯನಾಗಿ,
ಭದ್ರಗಜ ನುಂಗಿದ ಬೇಳದ ಹಣ್ಣಿನಂತೆ,
ಕರ್ಮರಹಿತವಾದ ಮಹದಾಕಾಶದಂತೆ,
ಉಲುಹಡಗಿದ ಸುರಕುಜದಂತೆ, ಚಂದ್ರನಿಲ್ಲದ ಚಂದ್ರಿಕೆಯಂತೆ,
ಫಲವಿಲ್ಲದ ರುಚಿಯಂತೆ, ಕುಸುಮವಿಲ್ಲದ ಪರಿಮಳದಂತೆ,
ತರಂಗವಡಗಿದ ಸಮುದ್ರದಂತೆ, ಸ್ಪಟಿಕದ ಘಟಜ್ಯೋತಿಯಂತೆ
ಸರ್ವಾಂಗದೊಳಹೊರಗೆಯು ಪ್ರಣವಮಂತ್ರವೆ ಪರಿಪೂರ್ಣಲಿಂಗವೆನಿಸಿ,
ದಯಶಾಂತಭರಿತನಾಗಿ ತನ್ನ ನಂದು, ಇದಿರ ಮರೆದು,
ವಸಂತಕಾಲದ ಮಂದಾನಿಲನಂತೆ ಸಂಚಾರದ ಮಾಳ್ಪನಯ್ಯಾ,
ಮಹಾಲಿಂಗ ಶಶಿಮೌಳಿ ಸದಾಶಿವಾ.
Transliteration Nirālamba śaraṇanentihanendare manabud'dhi cittāhaṅkāragaḷindāda
tanukaraṇajaṅguḷiyanuḷidu mōkṣakāyaśūn'yanāgi,
bhadragaja nuṅgida bēḷada haṇṇinante,
karmarahitavāda mahadākāśadante,
uluhaḍagida surakujadante, candranillada candrikeyante,
phalavillada ruciyante, kusumavillada parimaḷadante,
taraṅgavaḍagida samudradante, spaṭikada ghaṭajyōtiyante
sarvāṅgadoḷahorageyu praṇavamantrave paripūrṇaliṅgavenisi,
dayaśāntabharitanāgi tanna nandu, idira maredu,
vasantakālada mandānilanante san̄cārada māḷpanayyā,
mahāliṅga śaśimauḷi sadāśivā.
