ಲಿಂಗಪ್ರಸಾದವನುಂಬರೆ ಎಂಜಲೆಂಬರು,

ಲಿಂಗಪ್ರಸಾದವನುಂಬರೆ ಎಂಜಲೆಂಬರು, ಲಿಂಗವನೆಂತೊಲಿಸುವರು? ತನುಭಾವವೆಂಜಲಾದರೇನು, ಪ್ರಸಾದವನೆಂಜಲೆಂತೆನಬಹುದು? ಜನ್ಮವುಂಟೆಂಬರು ಪಾವನವಿಡಿದು, ಮುನ್ನೊಂದು ಮೃಗದ ಮುಖದಲ್ಲಿ! ಅನ್ಯರಿಗುಂಟೆ ಶಿವಪಥವು? ಮನ್ನಿಸಲೇಕೆ ಒಲ್ಲೆನಯ್ಯಾ. "ಶ್ವಪಚ್ಯೋsಪಿ ಶಿವಭಕ್ತಾನಾಂ ಲಿಂಗಾರ್ಚನಪರಃ ಪದಂ ಅನ್ಯದೇವಂ ತು ಜಿಹ್ವಾಗ್ರೇ ಪರಜನ್ಮವಿಮೋಕ್ಷಣಂ ಪರಬ್ರಹ್ಮ ವೇದಶಾಸ್ತ್ರೇಭ್ಯೋ ಶಿವಶಾಸ್ತ್ರಂತು ಶಾಂಕರಿ" ಎಂದುದಾಗಿ, ಕರ್ಮಾದಿಗುಣಂಗಳಂ ಕಳೆವ ಸಾಮರ್ಥ್ಯವೆನ್ನ ಲಿಂಗಕ್ಕಲ್ಲದೆ ಬೇರುಂಟೆ? ಇಂತೆಂದುದು ದೃಷ್ಟ. ಕೂಡಲಚೆನ್ನಸಂಗನ ಶರಣರಿಗಲ್ಲದಿಲ್ಲ.

Transliteration Liṅgaprasādavanumbare en̄jalembaru, liṅgavanentolisuvaru? Tanubhāvaven̄jalādarēnu, prasādavanen̄jalentenabahudu? Janmavuṇṭembaru pāvanaviḍidu, munnondu mr̥gada mukhadalli! An'yariguṇṭe śivapathavu? Mannisalēke ollenayyā. Śvapacyōspi śivabhaktānāṁ liṅgārcanaparaḥ padaṁ an'yadēvaṁ tu jihvāgrē parajanmavimōkṣaṇaṁ parabrahma vēdaśāstrēbhyō śivaśāstrantu śāṅkari endudāgi, karmādiguṇaṅgaḷaṁ kaḷeva sāmarthyavenna liṅgakkallade bēruṇṭe? Intendudu dr̥ṣṭa. Kūḍalacennasaṅgana śaraṇarigalladilla.

ಪ್ರತಿಕ್ರಿಯೆಗಳು / Comments