ಚನ್ನಬಸವಣ್ಣ   
  •  
  •  
  •  
  •  


Index   ವಚನ - 524    Search  
 
ವಚನರಚನೆಯ ಅನುಭಾವವ ಬಲ್ಲೆವೆಂದೆಂಬರು ವಚನವಾವುದು ರಚನೆಯಾವುದು? ಅನುಭಾವವಾವುದು ಹೇಳಿರಣ್ಣಾ? ವಚನ: ಆತ್ಮತುಷ್ಟಿಯನರಿವುದು. ರಚನೆ: ಸ್ಥಾವರ ಲಿಂಗ ಜಂಗಮ ತ್ರಿವಿಧದಲ್ಲಿ ಕಾಣಬಲ್ಲರೆ. ಅನುಭಾವ: ಕಾಮದಿಚ್ಛೆಗೆ ಹರಿದು ಮದಮಚ್ಚರವಿಲ್ಲದಿರಬೇಕು, ಆಸೆಯಾಮಿಷ ಹರುಷದಿಚ್ಛೆಗೆ ಹರಿದು [ಯಾ]ಚಕನಾಗದಿರಬೇಕು, ಕಾಮ ಕ್ರೋಧ ಲೋಭ ಮೋಹ ಮದ ಮಚ್ಚರ ಆಶೆಯಾಮಿಷ ರೋಷಾದಿಗಳಂ ಹರಿದೊದೆದು, ಏಕೋಗ್ರಾಹಿಯಾಗಿ ನಿಂದಲ್ಲೇ ಅನುಬಾವಿ. ನಾಲ್ಕು ವೇದಶಾಸ್ತ್ರಂಗಳ ಬಲ್ಲೆವೆಂದು ನುಡಿವಾತನನುಭಾವಿಯೆ? ಅಲ್ಲ, ಅವು ಬ್ರಹ್ಮನೆಂಜಲು, ಇವ ಬಲ್ಲೆವೆಂದು ನುಡಿವಾತನನುಭಾವಿಯೆ? ಅಲ್ಲ, ಆತನು ಇದಿರ ನಂಬಿಸಿ ಉಂಬ ಭುಂಜಕನಯ್ಯಾ ಕೂಡಲಚೆನ್ನಸಂಗಮದೇವಾ.
Transliteration Vacanaracaneya anubhāvava ballevendembaru vacanavāvudu racaneyāvudu? Anubhāvavāvudu hēḷiraṇṇā? Vacana: Ātmatuṣṭiyanarivudu. Racane: Sthāvara liṅga jaṅgama trividhadalli kāṇaballare. Anubhāva: Kāmadicchege haridu madamaccaravilladirabēku, āseyāmiṣa haruṣadicchege haridu [yā]cakanāgadirabēku, kāma krōdha lōbha mōha Mada maccara āśeyāmiṣa rōṣādigaḷaṁ haridodedu, ēkōgrāhiyāgi nindallē anubāvi. Nālku vēdaśāstraṅgaḷa ballevendu nuḍivātananubhāviye? Alla, avu brahmanen̄jalu, iva ballevendu nuḍivātananubhāviye? Alla, ātanu idira nambisi umba bhun̄jakanayyā kūḍalacennasaṅgamadēvā.