ಅಂಗಲಿಂಗೈಕ್ಯನ ಲಾಂಛನಧಾರಿಯೆಂಬೆ,
ಜೀವಲಿಂಗೈಕ್ಯನ ಉಪಜೀವಿಯೆಂಬೆ,
ಪ್ರಾಣಲಿಂಗೈಕ್ಯನ ಸಂಸಾರಿಯೆಂಬೆ,
ಈ ತ್ರಿವಿಧ ಲಿಂಗೈಕ್ಯನೆ? ಅಲ್ಲ,
ಮತ್ತೆಯೂ ಲಿಂಗೈಕ್ಯನೇ ಬೇಕು.
ತಿಳಿದು ನೋಡಾ!
ಸಾಹಿತ್ಯವಾದಲ್ಲಿ ಅಂಗಲಿಂಗೈಕ್ಯವು,
ಮುಟ್ಟಿದಲ್ಲಿ ಇಷ್ಟಲಿಂಗೈಕ್ಯವು,
ಬೆರಸಿದಲ್ಲಿ ಪ್ರಾಣಲಿಂಗೈಕ್ಯವು,
ಈ ತ್ರಿವಿಧ ಲಿಂಗೈಕ್ಯವು ಅಲ್ಲ,
ಮತ್ತೆಯೂ ಲಿಂಗೈಕ್ಯವೆ ಬೇಕು. ತಿಳಿದು ನೋಡಾ!
ಕಾಯದ ಕೊನೆಯಲಿಪ್ಪುದು ಪ್ರಾಣಲಿಂಗವು,
ಜೀವದ ಕೊನೆಯಲಿಪ್ಪುದು ಪ್ರಾಣಲಿಂಗವು,
ಭಾವದ ಕೊನೆಯಲಿಪ್ಪುದು ಪ್ರಾಣಲಿಂಗವು.
ಕಾಯ ಲಿಂಗವೆಂದು ಪೂಜಿಸುವ ಖಂಡಿತರನೇನೆಂಬೆ!
ಜೀವ ಲಿಂಗವೆಂದು ಪೂಜಿಸುವ ಉಪಜೀವಿಗಳನೇನೆಂಬೆ
ಭಾವ ಲಿಂಗವೆಂದು ಪೂಜಿಸುವ ಭ್ರಮಿತರನೇನೆಂಬೆ!
ಈ ಲಿಂಗವನರಿದು, ಏಕೋನಿಷ್ಠೆ ಲಿಂಗವ ಮರೆದು
ಆ ಇಷ್ಟದಲ್ಲಿ ನೆರೆಯ ಬಲ್ಲರೆ ಕೂಡಲಚೆನ್ನಸಂಗಯ್ಯಾ
ಅವರನಚ್ಚಲಿಂಗೈಕ್ಯರೆಂಬೆ.
Transliteration Aṅgaliṅgaikyana lān̄chanadhāriyembe,
jīvaliṅgaikyana upajīviyembe,
prāṇaliṅgaikyana sansāriyembe,
ī trividha liṅgaikyane? Alla,
matteyū liṅgaikyanē bēku.
Tiḷidu nōḍā!
Sāhityavādalli aṅgaliṅgaikyavu,
muṭṭidalli iṣṭaliṅgaikyavu,
berasidalli prāṇaliṅgaikyavu,
Ī trividha liṅgaikyavu alla,
matteyū liṅgaikyave bēku. Tiḷidu nōḍā!
Kāyada koneyalippudu prāṇaliṅgavu,
jīvada koneyalippudu prāṇaliṅgavu,
bhāvada koneyalippudu prāṇaliṅgavu.
Kāya liṅgavendu pūjisuva khaṇḍitaranēnembe!
Jīva liṅgavendu pūjisuva upajīvigaḷanēnembe
bhāva liṅgavendu pūjisuva bhramitaranēnembe!
Ī liṅgavanaridu, ēkōniṣṭhe liṅgava maredu
ā iṣṭadalli nereya ballare kūḍalacennasaṅgayyā
avaranaccaliṅgaikyarembe.
