ಅಂಗದ ಲಿಂಗವ ಲಿಂಗವೆಂದು ಪೂಜಿಸುವೆನೆ?

ಅಂಗದ ಲಿಂಗವ ಲಿಂಗವೆಂದು ಪೂಜಿಸುವೆನೆ? ಅದು ಅಂಗಲಿಂಗವಲ್ಲ. ಅದೇನು ಕಾರಣ? ಅದು ಅಂಗದ ಮೇಲರತು ಮುಂದೆ ಜಂಗಮವೆಂದು ತೋರಿತ್ತಾಗಿ. ಜಂಗಮವ ಲಿಂಗವೆಂದು ಅರ್ಚಿಸಿ ಪೂಜಿಸಿಕೊಂಡಿಹೆನೆ? ಆ ಜಂಗಮ ಲಿಂಗವಲ್ಲ. ಅದೇನು ಕಾರಣ? ಮುಂದೆ ಪ್ರಸಾದಲಿಂಗವೆಂದು ತೋರಿತ್ತಾಗಿ. ಆ ಪ್ರಸಾದಲಿಂಗವ ಲಿಂಗವೆಂದು ಅರ್ಚಿಸಿ ಪೂಜಿಸಿಕೊಂಡಿಹೆನೆ? ಅದು ಪ್ರಸಾದಲಿಂಗವಲ್ಲ, ಅದೇನು ಕಾರಣ? ಮುಂದೆ ಮಹಾಪ್ರಸಾದವ ತೋರಿತ್ತಾಗಿ. ಆ ಮಹಾಪ್ರಸಾದವೆ ನೀವಾಗಿ ಸುಖಿಯಾದೆ ಕೂಡಲಚೆನ್ನಸಂಗಮದೇವಾ.

Transliteration Aṅgada liṅgava liṅgavendu pūjisuvene? Adu aṅgaliṅgavalla. Adēnu kāraṇa? Adu aṅgada mēlaratu munde jaṅgamavendu tōrittāgi. Jaṅgamava liṅgavendu arcisi pūjisikoṇḍ'̔ihene? Ā jaṅgama liṅgavalla. Adēnu kāraṇa? Munde prasādaliṅgavendu tōrittāgi. Ā prasādaliṅgava liṅgavendu arcisi pūjisikoṇḍ'̔ihene? Adu prasādaliṅgavalla, adēnu kāraṇa? Munde mahāprasādava tōrittāgi. Ā mahāprasādave nīvāgi sukhiyāde kūḍalacennasaṅgamadēvā.

ಪ್ರತಿಕ್ರಿಯೆಗಳು / Comments