ಉಂಬುವುದು ಉಡುವುದು ಶಿವಾಚಾರ,
ಕೊಂಬುದು ಕೊಡುವುದು ಕುಲಾಚಾರ ಎಂಬ
ಅನಾಚಾರಿಯ ಮಾತ ಕೇಳಲಾಗದು.
ವಿಪ್ರ ಮೊದಲು ಅಂತ್ಯಜ ಕಡೆಯಾಗಿ
ಶಿವಭಕ್ತರ ಒಂದೆ ಎಂದು
ಕೊಟ್ಟು ಕೊಂಬುದು ಸದಾಚಾರ,
ಉಳಿದುದೆಲ್ಲ ಅನಾಚಾರ.
ಅದೆಂತೆಂದಡೆ;
ಸ್ಫಟಿಕದ ಕೊಡದಲ್ಲಿ ಕಾಳಿಕೆಯನರಸುವ ಹಾಗೆ,
ಸಿಹಿಯೊಳಗೆ ಕಹಿಯನರಸುವ ಹಾಗೆ,
ರಜಸ್ಸೂತಕ ಕುಲಸೂತಕ ಜನನಸೂತಕ
ಪ್ರೇತಸೂತಕ ಉಚ್ಛಿಷ್ಟಸೂತಕ ಎಂದಡೆ,
ಆತಂಗೆ ಗುರುವಿಲ್ಲ ಲಿಂಗವಿಲ್ಲ ಜಂಗಮವಿಲ್ಲ
ತೀರ್ಥಪ್ರಸಾದವಿಲ್ಲ.
ಇಂತೀ ಪಂಚಸೂತಕವ ಕಳೆದಲ್ಲದೆ ಭಕ್ತನಾಗ.
ಇಂತಹ ಭಕ್ತರಲ್ಲಿ ಕೊಟ್ಟು ಕೊಂಬುದು ಸದಾಚಾರ
ಕೂಡಲಚೆನ್ನಸಂಗಮದೇವಾ.
Transliteration Umbuvudu uḍuvudu śivācāra,
kombudu koḍuvudu kulācāra emba
anācāriya māta kēḷalāgadu.
Vipra modalu antyaja kaḍeyāgi
śivabhaktara onde endu
koṭṭu kombudu sadācāra,
uḷidudella anācāra.
Adentendaḍe;
sphaṭikada koḍadalli kāḷikeyanarasuva hāge,
sihiyoḷage kahiyanarasuva hāge,
rajas'sūtaka kulasūtaka jananasūtaka
prētasūtaka ucchiṣṭasūtaka endaḍe,
ātaṅge guruvilla liṅgavilla jaṅgamavilla
tīrthaprasādavilla.
Intī pan̄casūtakava kaḷedallade bhaktanāga.
Intaha bhaktaralli koṭṭu kombudu sadācāra
kūḍalacennasaṅgamadēvā.
Music
Courtesy: Program Name :Vachanothsava - Belagina Belaginalli, Singer Name : M.S Sheela, Music Director : S. Shankar, Music Label : Lahari Music
