ಚನ್ನಬಸವಣ್ಣ   
  •  
  •  
  •  
  •  


Index   ವಚನ - 1069    Search  
 
ಎನ್ನ ಕಾಯಕ್ಕೆ ಸೀಮೆಯ ಮಾಡುವೆನು; ಎನ್ನ ಕಾಯದೊಳಗಿರ್ದ ಕರಣಾದಿ ಗುಣಂಗಳಿಗೆ ಸೀಮೆಯ ಮಾಡುವೆನು. ಎನ್ನ ಶ್ರೋತ್ರಕ್ಕೆ ಸೀಮೆಯ ಮಾಡುವೆನು; ಎನ್ನ ಶ್ರೋತ್ರದೊಳಗಿರ್ದ ಶಬ್ದಕ್ಕೆ ಸೀಮೆಯ ಮಾಡುವೆನು. ಎನ್ನ ತ್ವಕ್ಕಿಗೆ ಸೀಮೆಯ ಮಾಡುವೆನು; ಎನ್ನ ತ್ವಕ್ಕಿನೊಳಗಿರ್ದ ಸ್ಪರ್ಶಕ್ಕೆ ಸೀಮೆಯ ಮಾಡುವೆನು. ಎನ್ನ ನಯನಕ್ಕೆ ಸೀಮೆಯ ಮಾಡುವೆನು; ಎನ್ನ ನಯನದೊಳಗಿರ್ದ ರೂಪಕ್ಕೆ ಸೀಮೆಯ ಮಾಡುವೆನು. [ಎನ್ನ ಜಿಹ್ವೆಗೆ ಸೀಮೆಯ ಮಾಡುವೆನು; ಎನ್ನ ಜಿಹ್ವೆಯೊಳಗಿರ್ದ ರಸಕ್ಕೆ ಸೀಮೆಯ ಮಾಡುವೆನು.] ಎನ್ನ ಘ್ರಾಣಕ್ಕೆ ಸೀಮೆಯ ಮಾಡುವೆನು; ಎನ್ನ ಘ್ರಾಣದೊಳಗಿರ್ದ ಗಂಧಕ್ಕೆ ಸೀಮೆಯ ಮಾಡುವೆನು. ಎನ್ನ ಮನಕ್ಕೆ ಸೀಮೆಯ ಮಾಡುವೆನು; ಎನ್ನ ಮನದೊಳಗಿರ್ದ ಮರವೆಗೆ ಸೀಮೆಯ ಮಾಡುವೆನು. ಎನ್ನ ಭಾವಕ್ಕೆ ಸೀಮೆಯ ಮಾಡುವೆನು; ಎನ್ನ ಭಾವದೊಳಗಿರ್ದ ಭ್ರಾಂತಿಗೆ ಸೀಮೆಯ ಮಾಡುವೆನು. ಎನ್ನ ಪ್ರಾಣಕ್ಕೆ ಸೀಮೆಯ ಮಾಡುವೆನು ಎನ್ನ ಪ್ರಾಣವ ಲಿಂಗದಲ್ಲಿ ಹಿಂಗದಂತೆ ನಿಲಿಸುವೆನು ಕೂಡಲಚೆನ್ನಸಂಗಮದೇವಾ.
Transliteration Enna kāyakke sīmeya māḍuvenu; enna kāyadoḷagirda karaṇādi guṇaṅgaḷige sīmeya māḍuvenu. Enna śrōtrakke sīmeya māḍuvenu; enna śrōtradoḷagirda śabdakke sīmeya māḍuvenu. Enna tvakkige sīmeya māḍuvenu; enna tvakkinoḷagirda sparśakke sīmeya māḍuvenu. Enna nayanakke sīmeya māḍuvenu; enna nayanadoḷagirda rūpakke sīmeya māḍuvenu. [Enna jihvege sīmeya māḍuvenu; enna jihveyoḷagirda rasakke sīmeya māḍuvenu.] Enna ghrāṇakke sīmeya māḍuvenu; enna ghrāṇadoḷagirda gandhakke sīmeya māḍuvenu. Enna manakke sīmeya māḍuvenu; enna manadoḷagirda maravege sīmeya māḍuvenu. Enna bhāvakke sīmeya māḍuvenu; enna bhāvadoḷagirda bhrāntige sīmeya māḍuvenu. Enna prāṇakke sīmeya māḍuvenu enna prāṇava liṅgadalli hiṅgadante nilisuvenu kūḍalacennasaṅgamadēvā.