ತೃಷ್ಣೆ ಹಿಂಗಿದ ಲಿಂಗಾಂಗಿಯ ಅಂಗದ ಇರವು.
ಬಸುರಿಯ ಗರ್ಭದಲ್ಲಿ ತೋರುವ ಶಿಶುವಿನ ದೆಸೆಯ ಇರವು.
ಅನ್ನರಸಕೆ ಭಿನ್ನವಾಗಿ ಬಾಯಿಯಿಲ್ಲದೆ,
ತಾಯ ಪಥ್ಯದಲ್ಲಿ ಆತ್ಮಂಗೆ ಸುಖವಾಗಿ ಇಪ್ಪುದು.
ಘಟಮಟ ಭಿನ್ನವಹನ್ನಕ್ಕ ಸುಖದುಃಖ.
ಶಿಶುವ ತಾಳಿದ್ದ ಆ ತೆರ, ಲಿಂಗದ ಎಸಕವನರಿವವೊಲು,
ಇಷ್ಟಪ್ರಾಣ ಹೆರೆಹಿಂಗದ ಮೂರ್ತಿ ಧ್ಯಾನ ನೆಲೆಗೊಂಡು,
ಕಂಗಳು ಗರ್ಭ, ಮನ ಶಿಶುವಾಗಿ, ಲಿಂಗವೆಂಬ ಅಂಗದ ತೊಟ್ಟಿಲಲ್ಲಿ
ವಿಶ್ವಾಸ ಘನಲಿಂಗ ಇಂಬಿಟ್ಟು ಕಂಡೆ,
ಗುಡಿಯ ಗುಮ್ಮಟನೊಡೆಯ ಅಗಮ್ಯೇಶ್ವರಲಿಂಗದಲ್ಲಿ.
Transliteration Tr̥ṣṇe hiṅgida liṅgāṅgiya aṅgada iravu.
Basuriya garbhadalli tōruva śiśuvina deseya iravu.
Annarasake bhinnavāgi bāyiyillade,
tāya pathyadalli ātmaṅge sukhavāgi ippudu.
Ghaṭamaṭa bhinnavahannakka sukhaduḥkha.
Śiśuva tāḷidda ā tera, liṅgada esakavanarivavolu,
iṣṭaprāṇa herehiṅgada mūrti dhyāna nelegoṇḍu,
kaṅgaḷu garbha, mana śiśuvāgi, liṅgavemba aṅgada toṭṭilalli
viśvāsa ghanaliṅga imbiṭṭu kaṇḍe,
guḍiya gum'maṭanoḍeya agamyēśvaraliṅgadalli.
