ಕಾಯಕಕೃತ್ಯ, ನೇಮಕೃತ್ಯ, ಆಚರಣೆಕೃತ್ಯ,
ದಾಸೋಹಕೃತ್ಯ,ಭಾವಕೃತ್ಯ,ಸೀಮೆಕೃತ್ಯ,
ಯಾಚಕಕೃತ್ಯ, ಗಮನಕೃತ್ಯ, ಲಿಂಗಕೃತ್ಯ, ಜಂಗಮಕೃತ್ಯ,
ಪಾದೋದಕಕೃತ್ವ, ಪ್ರಸಾದಕೃತ್ಯ,
ಕೊಡೆಕೊಳ್ಳೆನೆಂಬ ಉಭಯಕೃತ್ಯ,
ಮರೆದರಿಯೆ ಅರಿದು ಮರೆಯೆನೆಂಬ ಅರಿವುಕೃತ್ಯ
ತನ್ನ ಕೃತ್ಯಕ್ಕೆ ಆವುದು ನಿಷೇಧವೆಂದು ಬಿಟ್ಟಲ್ಲಿ,
ರಾಜ ಹೇಳಿದನೆಂದು, ಗುರುವಾಜ್ಞೆಯ ಮೀರಿದಿರೆಂದು,
ಶರಣರ ಸಮೂಹ ಹೇಳಿದರೆಂದು
ಮಿಕ್ಕಾದ ತನ್ನ ಪರಿಸ್ಪಂದಿಗಳರಿದರೆಂದು
ಇಂತೀ ಗುಣಕ್ಕೆ ಅನುಸರಣೆಯ ಮಾಡಿದೆನಾದಡೆ
ಎನಗದೆ ಭಂಗ.
ಇದಕ್ಕೆ ನೀ ಒಪ್ಪಿದಡೆ,
ಆಚಾರವೆ ಪ್ರಾಣವಾದ ರಾಮೇಶ್ವರಲಿಂಗವೆ
ನೀ ತಪ್ಪಿದೆಯಾದಡೆ ನಿನಗೆ ಎಕ್ಕಲನರಕ.
Transliteration Kāyakakr̥tya, nēmakr̥tya, ācaraṇekr̥tya,
dāsōhakr̥tya,bhāvakr̥tya,sīmekr̥tya,
yācakakr̥tya, gamanakr̥tya, liṅgakr̥tya, jaṅgamakr̥tya,
pādōdakakr̥tva, prasādakr̥tya,
koḍekoḷḷenemba ubhayakr̥tya,
maredariye aridu mareyenemba arivukr̥tya
tanna kr̥tyakke āvudu niṣēdhavendu biṭṭalli,
rāja hēḷidanendu, guruvājñeya mīridirendu,
śaraṇara samūha hēḷidarendu
mikkāda tanna parispandigaḷaridarendu
intī guṇakke anusaraṇeya māḍidenādaḍe
enagade bhaṅga.
Idakke nī oppidaḍe,
ācārave prāṇavāda rāmēśvaraliṅgave
nī tappideyādaḍe ninage ekkalanaraka.
