ಜೀವೇಶ್ವರರಿಗಾಶ್ರಯವಾದ ಸೂಕ್ಷ್ಮ ದೇಹ ಮಧ್ಯದಲ್ಲಿ
ಷಟ್ಚಕ್ರಂಗಳಲ್ಲಿ ಹುಟ್ಟಿದ ಷಟ್ಕಮಲಂಗಳನು
ಅಧಾರ ತೊಡಗಿ ಆಜ್ಞಾಚಕ್ರವೆ ಕಡೆಯಾದ
ಬ್ರಹ್ಮಾಂಡಾದಿಗಳೆ ಸ್ಥಾನಂಗಳಾಗಿ
ಗುರೂಪದೇಶದಿಂದ ಭಾವಿಸುವುದು.
ಆಜ್ಞಾಚಕ್ರದ ಊರ್ಧ್ವ ಭಾಗವಾದ ಬ್ರಹ್ಮರಂಧ್ರದಲ್ಲಿ
ಸಹಸ್ರ ದಳ ಕಮಲವನು ಭಾವಿಸುವುದು.
ಆ ಸಹಸ್ರ ದಳ ಕಮಲದಲ್ಲಿ
ನಿರ್ಮಲವಾದ ಚಂದ್ರಮಂಡಲವನು ಧ್ಯಾನಿಸುವುದು.
ಆ ಚಂದ್ರಮಂಡಲದ ಮಧ್ಯದಲ್ಲಿ
ವಾಲಾಗ್ರಮಾತ್ರದೀಪಾದಿಯಲ್ಲಿ
ಪರಮ ಸೂಕ್ಷ್ಮ ರಂಧ್ರವದು ಕೈಲಾಸ ಸ್ಥಾನವಾಗಿ ಅರಿದು
ಆ ಕೈಲಾಸದಲ್ಲಿರುತ್ತಿದ್ದ ಪರಮೇಶ್ವರನು ಸಮಸ್ತ ಕಾರಣಂಗಳಿಗೆ
ಕಾರಣನೆಂದು ಧ್ಯಾನಿಸುವುದಯ್ಯ
ಶಾಂತವೀರೇಶ್ವರಾ
Transliteration Jīvēśvararigāśrayavāda sūkṣma dēha madhyadalli
ṣaṭcakraṅgaḷalli huṭṭida ṣaṭkamalaṅgaḷanu
adhāra toḍagi ājñācakrave kaḍeyāda
brahmāṇḍādigaḷe sthānaṅgaḷāgi
gurūpadēśadinda bhāvisuvudu.
Ājñācakrada ūrdhva bhāgavāda brahmarandhradalli
sahasra daḷa kamalavanu bhāvisuvudu.
Ā sahasra daḷa kamaladalli
nirmalavāda candramaṇḍalavanu dhyānisuvudu.
Ā candramaṇḍalada madhyadalli
vālāgramātradīpādiyalli
parama sūkṣma randhravadu kailāsa sthānavāgi aridu
ā kailāsadalliruttidda paramēśvaranu samasta kāraṇaṅgaḷige
kāraṇanendu dhyānisuvudayya
śāntavīrēśvarā
