ಲಿಂಗಕ್ಕೂ ತಮಗೂ ಸಹಭಾಜನ ಸಹಭೋಜನವಾಹಲ್ಲಿ
ಇದಿರಿಟ್ಟ ಪದಾರ್ಥಂಗಳ ಲಿಂಗಕ್ಕೆ ತೋರಿ,
ತಾ ಕೊಂಬಲ್ಲಿ ದೃಷ್ಟವಾಯಿತ್ತು.
ಸ್ವಪ್ನ ಸುಷುಪ್ತಿಗಳಲ್ಲಿ, ಮಿಕ್ಕಾದ ಏಕಾಂತ ಸತಿ ಕೂಟಂಗಳಲ್ಲಿ
ಅದಕ್ಕೆ ದೃಷ್ಟವಹ ಸಹಭೋಜನವಾವುದಯ್ಯಾ?
ಯೋನಿ ಸ್ವಪ್ನ ಸುಷುಪ್ತಿ ಮುಂತಾದ ಭಾವದ
ಸಹಭೋಜನ ಎಲ್ಲಿ ಇದ್ದಿತ್ತು?
ಆ ಭಾಜನದ ಸಹಭೋಜನದ ಸಂಬಂಧ ಎಲ್ಲಿದ್ದಿತು?
ಅದು ಕಲ್ಲಿನೊಳಗಣ ನೀರು, ನೀರೊಳಗಣ ಶಿಲೆ,
ಇದಾರಿಗೂ ಅಸಾಧ್ಯ ನೋಡಾ.
ಅದು ಕಾಯದ ಹೊರಗಾದ ಸುಖ,
ಸುಖದ ಹೊರಗಾದ ಅರ್ಪಿತ.
ಇಂತೀ ಗೊತ್ತಮುಟ್ಟಿ ಸಹಭೋಜನದಲ್ಲಿ ಅರ್ಪಿಸಬಲ್ಲವಂಗೆ
ಆಚಾರವೆ ಪ್ರಾಣವಾದ ರಾಮೇಶ್ವರಲಿಂಗವು
ಸಹಭಾಜನ ಭೋಜನವಾಗಿಪ್ಪನು.
Transliteration Liṅgakkū tamagū sahabhājana sahabhōjanavāhalli
idiriṭṭa padārthaṅgaḷa liṅgakke tōri,
tā komballi dr̥ṣṭavāyittu.
Svapna suṣuptigaḷalli, mikkāda ēkānta sati kūṭaṅgaḷalli
adakke dr̥ṣṭavaha sahabhōjanavāvudayyā?
Yōni svapna suṣupti muntāda bhāvada
sahabhōjana elli iddittu?
Ā bhājanada sahabhōjanada sambandha ellidditu?
Adu kallinoḷagaṇa nīru, nīroḷagaṇa śile,
idārigū asādhya nōḍā.
Adu kāyada horagāda sukha,
sukhada horagāda arpita.
Intī gottamuṭṭi sahabhōjanadalli arpisaballavaṅge
ācārave prāṇavāda rāmēśvaraliṅgavu
sahabhājana bhōjanavāgippanu.
