ಕೈಲಾಸ ಮರ್ತ್ಯಲೋಕ ಎಂಬರು.
ಕೈಲಾಸವೆಂದಡೇನೊ, ಮರ್ತ್ಯಲೋಕವೆಂದಡೇನೊ?
ಅಲ್ಲಿಯ ನಡೆಯೂ ಒಂದೆ, ಇಲ್ಲಿಯ ನಡೆಯೂ ಒಂದೆ.
ಅಲ್ಲಿಯ ನುಡಿಯೂ ಒಂದೆ, ಇಲ್ಲಿಯ ನುಡಿಯೂ ಒಂದೆ
ಕಾಣಿರಯ್ಯಾ ಎಂಬರು.
ಕೈಲಾಸದವರೆ ದೇವರ್ಕಳೆಂಬರು;
ಸುರಲೋಕದೊಳಗೆ ಸಾಸಿರ ಕಾಲಕ್ಕಲ್ಲದೆ ಅಳಿದಿಲ್ಲವೆಂಬರು.
ನರಲೋಕದೊಳಗೆ ಸತ್ತು ಸತ್ತು ಹುಟ್ಟುತಿಹರೆಂಬರು.
ಇದ ಕಂಡು ನಮ್ಮ ಶರಣರು
ಸುರಲೋಕವನು ನರಲೋಕವನು ತೃಣವೆಂದು ಭಾವಿಸಿ,
ಭವವ ದಾಂಟಿ ತಮ್ಮ ತಮ್ಮ ಹುಟ್ಟನರಿದು,
ಮಹಾಬೆಳಗನೆ ಕೂಡಿ, ಬೆಳಗಿನಲ್ಲಿ ಬಯಲಾದರಯ್ಯಾ
ಅಪ್ಪಣ್ಣಪ್ರಿಯ ಚೆನ್ನಬಸವಣ್ಣಾ.
Transliteration Kailāsa martyalōka embaru.
Kailāsavendaḍēno, martyalōkavendaḍēno?
Alliya naḍeyū onde, illiya naḍeyū onde.
Alliya nuḍiyū onde, illiya nuḍiyū onde
kāṇirayyā embaru.
Kailāsadavare dēvarkaḷembaru;
suralōkadoḷage sāsira kālakkallade aḷidillavembaru.
Naralōkadoḷage sattu sattu huṭṭutiharembaru.
Ida kaṇḍu nam'ma śaraṇaru
suralōkavanu naralōkavanu tr̥ṇavendu bhāvisi,
bhavava dāṇṭi tam'ma tam'ma huṭṭanaridu,
mahābeḷagane kūḍi, beḷaginalli bayalādarayyā
appaṇṇapriya cennabasavaṇṇā.
